Praia de Guadamía

Praia de Guadamía

Tipo	praia
Localización
División administrativa	Llanes, España
43°27′18″N 4°58′54″O

A praia de Guadamía, tamén coñecida como praia de Aguamía ou de L'Aguada,^[1] atópase na localidade de Llames, na desembocadura do río Guadamía, que marca o límite entre os concellos de Llanes e Ribeseya.^[2] Enmárcase nas praias da Costa Verde e está considerada paisaxe protexida desde o punto de vista medioambiental (pola súa vexetación e tamén polas súas características xeolóxicas). Por este motivo está integrada na Paisaxe Protexida da Costa Oriental de Asturias.^[3]

Descrición

A praia presenta unha forma irregular e accédese a ela por un antigo camiño de carros que vai dende a vila de Llames. Tamén existen dous accesos a pé pola ladeira de Cuerres.

A praia non conta con servizo algún, agás o da súa limpeza.^[2] Arrodeada de cantís (que están cheos de furnas e bufóns —estreitas chemineas verticais polas que a auga sae con forza facendo un grande estrondo) podería considerarse un marco idóneo para o estudo da modelaxe kárstica.^[4]

Notas

1. Guía total de las playas de Asturias. 244 rincones para disfrutar de la costa asturiana. Alejandro del Río. Ediciones Nobel. 2013. ISBN 978-84-8459-669-1 Pág.231
2. Ministerio de Agricultura y Pesca, Alimentación y Medio Ambiente. "Guía de Playas: Guadamía / Aguamía". Consultado o 21 de xullo de 2019. ^{[Ligazón morta]}
3. "Guía de playas". magrama.gob.es. Arquivado dende o orixinal o 13 de outubro de 2016. Consultado o 18 de novembro de 2020. 
4. "Acantilados y playa de Guadamía". www.ribadesella.com. Consultado o 18 de novembro de 2020.