Pecarí de colar

Pecarí de colar
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Mammalia Orde: Artiodactyla Familia: Tayassuidae Xénero: Pecarí Especie: P. tajacu
Nome binomial
Pecari tajacu (Linnaeus, 1758)
Sinonimia
Tayassu tajacu Dicotyles tajacu

O pecarí de colar^[2] (Pecari tajacu) é unha especie de mamífero da familia dos taiasúidos que habita en América do Norte, Central e do Sur.

Hábitat

O pecarí de colar é unha especie amplamente esparexida dende a América tropical até subtropical, dende o suroeste dos Estados Unidos até o norte arxentino en Suramérica.^[1] A única illa caribeña onde é nativo é a Illa Trinidad,^[1] aínda que foi introducido en Cuba.^[3] Habita nos montes xerófilos e desérticos, pasteiros tropicais e subtropicais, sabanas, montes baixos, sabanas e pasteiros asulagados, fragas de follas anchas tropicais e subtropicais, así como noutros hábitats.^[1]

Comportamento

Os pecarís de colar son animais nómades diúrnos que viven en grupos de 1 a 20 membros, pero polo xeral son de 6 a 9 membros. Dormen pola noite en tobeiras, ou a miúdo baixo as raíces das árbores.

Aínda que adoitan ignorar a presenza humana, os pecarís de colar poderían reaccionar se son ameazados, empregando os seus longos cairos que se afian sós cando abren e pechan a súa boca. Ademais, liberan un almiscre moi forte se se senten alarmados.

Galería

• Pecarís en Scottsdale, Arizona
• 
  Pecarí de colar correndo
• 
  Nai e cría
• 
  Vaso indíxena con forma de pecarí

Notas

1. Beck, H., Taber, A., Altrichter, M., Keuroghlian, A. & Reyna, R. (2008). "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza. 
2. "Pecarí de Colar en Vigozoo". Arquivado dende o orixinal o 04 de setembro de 2018. Consultado o 4 de setembro de 2018. 
3. "Pecari tajacu". EOL.

Véxase tamén

Wikimedia Commons ten máis contidos multimedia na categoría:  Pecarí de colar

Wikispecies posúe unha páxina sobre:  Pecarí de colar

Bibliografía

• Emmons, Louise H., Francois Feer. 1997. Mamíferos de Selvas Neotropicales, Guía de Campo.