En agosto de 2006 a World Trade Center Memorial Foundation e a Autoridade Portuaria de Nova York e Nova Jersey comezaron a construción no National September 11 Memorial & Museum[1]. O vencedor da competición do Memorial do World Trade Center foi o arquitecto Michael Arad, da Handel Architects, unha empresa con sede en Nova York e en San Francisco. Arad traballou con arquitectura paisaxística na empresa Peter Walker and Partners no proxecto que prevé un bosque de árbores con dúas piscinas cadradas no centro, onde estaban as torres xemelgas.[2]
O deseño é consistente co plan orixinal de Daniel Libeskind, que pedía que o memorial fose 30 metros abaixo do nivel da rúa nunha praza.
Un memorial foi planeado nada máis os ataques e da destrución do World Trade Center para lembrar as vítimas e os implicados no rescate. A World Trade Center Memorial Foundation foi rebatizada para National September 11 Memorial & Museum at the World Trade Center en 2007. E unha corporación sen ánimo de lucro coa misión de recadar fondos para manter e controlar o memorial e o museo. O memorial foi inaugurado o día 11 de setembro de 2011 e o museo permaneceu aberto en 2012.
