| Nacido en Siria |
|---|
| Ficha técnica |
|---|
| Título orixinal | Nacido en Siria |
|---|
| Director | Hernán Zin |
|---|
| Guión | Hernán Zin
José F. Ortuño |
|---|
| Música | Jean-Pierre Ensuque
Gabriel Yared |
|---|
| Fotografía | Hernán Zin |
|---|
| Estudio | Contramedia Films
La Claqueta PC
Final Cut for Real |
|---|
| Distribuidora | Netflix |
|---|
| Estrea | 6 de novembro de 2016 |
|---|
| Duración | 86 minutos |
|---|
| Orixe |  España |
|---|
| Xénero | Documental |
|---|
| Orzamento | 500.000 € |
|---|
| Recadación | 35.876,20 € |
|---|
| Na rede |
|---|
  
   |
Nacido en Siria é un filme documental español de 2016 dirixido por Hernán Zin, quen tamén escribiu o guión xunto a José F. Ortuño, e no que narra o éxodo provocado pola guerra civil siria dende o punto de vista de sete nenos.[1] Conta coa produción de Contramedia e Movistar, e coa participación de Canal Sur e La Claqueta.[2]
Sinopse
Dende o comezo da guerra civil siria, arredor de catro millóns de sirios tiveron que abandonar o país fuxindo da violencia. Máis da metade deles foron nenos. O documental narra a difícil situación de sete destes nenos que viven este calvario: Hamude, Jihan, Gaseem, Mohammed, Marwan, Arasulí e Kais. Teñen que afrontar os abusos das mafias, as inclemencias do mar cando foxen en patera, a incerteza sobre un futuro que a gran maioría apenas pode afrontar e o seu encerro en campos de refuxiados en condicións de masificación e insalubridade. Cando chegan ao seu destino, descobren que só é o comezo dunha nova odisea: a da integración nunha terra nova e, en moitos casos, hostil. O maior éxodo de refuxiados dende a segunda guerra mundial visto dende metro e medio de altura a través de sete historias de guerra, sufrimento e desesperación, mais tamén de superación, inocencia, coraxe e esperanza.
Produción
Zin tivo a idea de rodar o filme cando estaba a rodar un documental sobre a caza de elefantes en África e viu na televisión as imaxes de Alan Kurdi, o neno sirio que morreu afogado nunha praia turca. "Ao día seguinte xa estaba en Hungría, coa cámara". D'Antuvi quixo seguir 20 historias, pero ao final limitouno a sete.[3]
Nomeamentos e premios
Foi nomeado á Medalla do CEC ao mellor documental[4] e ao Premio Goya á mellor película documental.[5] Recibiu un dos Premios Iris do Xurado[6] e o Premio Platino ao mellor documental.[7] Nos XXII Premios Cinematográficos José María Forqué foi galardoado co premio ao mellor documental.[8]
Notas
- ↑ 'Nacido en Siria', el documental que avergüenza a Europa, Cadena Ser, 11 de xaneiro de 2017
- ↑ "Nacido en Siria", documental participado por Canal Sur, recibe el Premio Iris de la Academia de Televisión
- ↑ 'Nacido en Siria', siete niños para sacarle los colores a Europa, El Confidencial, 23 de decembro de 2016
- ↑ "Medallas del CEC a la producción española de 2016". Círculo de Escritores Cinematográficos. Arquivado dende o orixinal o 2021-02-13. Consultado o 25 de febreiro de 2018.
- ↑ Nacio en Siria al web dels Premis Goya
- ↑ Premio Iris para 'Nacido en Siria', participado por Canal Sur, Diario de Sevilla, 20 de setembro de 2017
- ↑ "Nacido en Siria", Premio Platino al mejor documental, La Vanguardia, 22 de xullo de 2017
- ↑ ‘Nacido en Siria’, de la productora del onubense Manuel H. Martín, gana el Premio Forqué al Mejor Documental Arquivado 03 de xullo de 2023 en Wayback Machine., huelvabuenasnoticias.com, 15 de xaneiro de 2017
