Mónica Camaño Fandiño, nada en 1971 en Cangas é unha actriz galega.
Traxectoria
Comezou a súa carreira de actriz no grupo de mimo Ancoradouro, que a levou á Aula de Teatro da USC alternando montaxes e cursos de arte dramática, ao tempo que se licenciou en Filoloxía Galego-Portuguesa.
Dende entón participou no Centro Dramático Galego, Teatro do Aquí, Teatro Bruto, Teatro de Ningures ou Teatro do Morcego, estando ás ordes de directores como Roberto Vidal Bolaño, Xan Cejudo ou Celso Parada. Dende o ano 2008 forma parte do proxecto Teatro Nu.
Premios e recoñecementos
- Nomeada ao Premio María Casares á mellor actriz secundaria en 2001 por A burla do Galo.
- Nomeada ao Premio María Casares á mellor actriz secundaria en 2002 por Rosalía.
- Nomeada ao Premio María Casares á mellor actriz secundaria en 2007 polo espectáculo Misericordia.
- Gañadora do Premio María Casares á mellor actriz secundaria en 2008 polo espectáculo Emigrados.
- Nomeada ao Premios María Casares á mellor actriz principal en 2001 por A señorita Xulia.
- Nomeada ao Premio María Casares á mellor actriz principal en 2010 por Kvetch.
- Gañadora do Premio Maruxa Villanueva á mellor interpretación teatral en 2013 polo espectáculo As do peixe.
Filmografía
- O lapis do carpinteiro (2002)
- Sincopado (2003)
- Santa Liberdade (2004)
- Pataghorobí (2005)
- Máis ca irmáns (2005)
- A biblioteca da iguana (2005)
- Hai que botalos (2005)
- O Bosque de Levas (2006)
- Coralia e Maruxa. As irmás Fandiño (2007)
- Liste, pronunciado Líster (2007)
- Efectos secundarios (2007)
- O club da calceta (2008)
- A cicatriz branca (2012)
- Nación (2020)
- Prefiro condenarme (2024)
Series
Véxase tamén
Bibliografía
Ligazóns externas
