O Monte Kosciuszko, con 2.228 m.s.n.m. é a maior elevación da Australia continental, porén a maior altura do estado australiano sitúase no monte Mawson Peak, con 2.745 m, sito na illa Heard. O monte é citado, con frecuencia, como Kosciusko, porque este foi en realidade o nome oficial até 1997, cando a Geographical Names Board of New South Wales adoptou como oficial a grafía máis próxima á polaca.
Cambios de localización
Diversas medición demostraron que o pico que orixinariamente fora baptizado como Kosciuszko, era lixeiramente máis baixo que o seu veciño, o Monte Townsend, de xeito que, para manter a posición, os nomes foron transpostos por decisión do New South Wales Lands Department. Así o cadro de Eugene von Guerard, exposto na National Gallery of Australia, titulado "Northeast view from the northern top of Mount Kosciusko" (1863) (Vista do nordeste desde a cima do Monte Kosciusko), é actualmente desde o Monte Townsend.
Xeografía
O Monte Kosciuszko érguese na cadea montañosa dos Alpes Australianos ou Snowy Mountains, no interior do Parque Nacional Kosciuszko.
Ascensións
Ha motivos para crer que os primeiros en subir á cima do Kosciuszko foron aborixens, con anterioridade á chegada dos europeos.
A primeira escalada documentada foi realizada polo explorador polaco Paweł Edmund Strzelecki no ano 1840, que foi quen lle puxo o nome á montaña, impóndolle o do xeneral Tadeusz Kościuszko, heroe nacional da Polonia.
Outros datos
No Territorio Antártico Australiano sitúase aínda o Monte McClintock, de 3.492 m, que supera as dúas cimas arriba citadas.
Véxase tamén
Ligazóns externas
Outros artigos
