Meri Te Tai Mangakahia, nada en Lower Waihou o 22 de maio de 1868 e finada en Panguru o 10 de outubro de 1920, foi unha militante a prol do sufraxio feminino en Nova Zelandia.
Traxectoria
Mangakahia naceu en Lower Waihou, preto de Panguru no val de Hokianga. Era a filla de Re Te Tai, un membro do "Te Rarawa iwi" e xefe moi influente. Foi educada no convento de St Mary, en Auckland.
Mangakahia foi a muller de Hamiora Mangakahia, quen, en 1892, foi elixido Ministro do Parlamento de Kotahitanga en Hawke's Bay.
O ano seguinte, Meri Mangakahia abordou a asemblea (foi a primeira muller a facelo), presentando un movemento en favor do sufraxio feminino, e queda como, membro do Parlamento. Observou que as mulleres maorí eran propietarias de terras e que por iso non se lles debía impedir que tiveran representación política. Máis tarde uniuse ó comité de mulleres do movemento Kotahitanga, manténdose involucrada na política maorí e movementos sociais.
Segundo a familia, morreu por mor da gripe. Tiña 4 fillos.
Véxase tamén
Ligazóns externas
