Antiga fábrica Mahou en Madrid, paseo Imperial. Construción 1961, demolición 2011.
Historia
A súa primeira fábrica construíuse na rúa Amaniel de Madrid. Porén, o aumento na demanda conduciu á construción dunha nova fábrica no Paseo Imperial de Madrid, cuxa primeira cocción se realizou en 1962. Nesta década, Mahou converteuse na primeira empresa española en introducir barrís de aluminio, substituíndo aos tradicionais de madeira.
En 1969 lanzou a súa cervexa máis emblemática: Mahou Cinco Estrellas. Para o ano 1993, a empresa envasou a primeira cervexa na súa nova fábrica de Alovera, Guadalaxara, que conta cunha superficie de 430.000 m².
No ano 2000, coa unión de Mahou e Cervexa San Miguel, creouse o primeiro grupo cervexeiro de capital español.
Cervexas
Actualmente, as cervexas comercializadas por Mahou son:
O grupo Mahou fabrica ademais para diversas marcas brancas e marcas propias como por exemplo para a marca Hipercor, distribuída nos hipermercados Hipercor do Grupo El Corte Inglés.
Envases
Tradicionalmente a cervexa Mahou distribuíuse en envases de vidro. Actualmente é distribuída tamén en envases metálicos de aluminio (latas). Os dous volumes máis frecuentes son os 20cl das botellas pequenas de vidro, tamén chamados botellíns ou quintos, os 33 cl dos envases medianos de vidro e das latas e a botella de 100cl, é dicir dun litro, coñecida comunmente como litrona.
Os envases de vidro teñen un peche metálico de tipo tapón corona, que exixen un abridor para ser abertas. As latas metálicas teñen todas na actualidade un abridor con argola fixa.
-1-.jpg)
