Maceira, Covelo

Para outras páxinas con títulos homónimos véxase: Maceira.

Maceira
Río Tea en Maceira.
Concello	Covelo[1]
Provincia	Pontevedra
Coordenadas	42°15′00″N 8°23′06″O
Poboación	414 hab. (2011)
Entidades de poboación	25[1]
[ editar datos en Wikidata ]

San Salvador de Maceira é unha parroquia que se localiza no oeste do concello de Covelo na comarca da Paradanta. Segundo o IGE en 2011 tiña 414 habitantes (204 mulleres e 210 homes), distribuídos en 15 entidades de poboación, o que supón unha diminución en relación ao ano 1999 cando tiña 570 habitantes.

Historia

Os primeiros poboadores de Maceira pertencen á Prehistoria, así o documentan os castros celtas (hoxe catalogados, mais moi deteriorados), petróglifos, dolmens, etc.

Información

A parroquia atópase a 5 quilómetros da capital do concello. A 558 metros de altitude áchase un xacemento castrexo sen levantar e diversas manifestacións de arte rupestre en forma de petróglifos. A 680 metros atópase a capela da Virxe da Guía, situada no monte da Guía de Maceira e onde se pode apreciar unha panorámica do val do Tea.

É salientábel a praia fluvial de Maceira cunha ocupación moi alta durante todo o verán. Preto áchase un cámping de montaña. Sobresae tamén o serradoiro hidráulico dos Carranos que funciona exclusivamente por forza da auga e é unha manifestación única do patrimonio etnográfico da zona. Este serradoiro está catalogado como un Ben de Interese Cultural de Galicia e atópase completamente restaurado para poder ser visitado.^[2]

Galería de imaxes

• 
  Serradoiro dos carranos.
• 
  Igrexa de Maceira.

Lugares e parroquias

Lugares de Maceira

Lugares da parroquia de Maceira no concello de Covelo (Pontevedra)
As Barcielas | Carmoniño | Castro | Castrorregueiro | Chicoreiros | Costeiriña | Cotiños | O Couso | Eidos Vellos | Figueiroa | A Igrexa | A Maquián | A Mouta | Outedo | Pancellos | Pedredo | Portagudiño | Portoparada | Riocortiñas | San Breixo | Souto | Trasfontán | Vales | Vilanova | Vixiáns

Parroquias de Covelo

Galicia | Provincia de Pontevedra | Parroquias de Covelo
Barcia de Mera (San Martiño) | Campo (Santa María) | Casteláns (Santo Estevo) | Covelo (Santa Mariña) | Fofe (San Miguel) | Godóns (Santa María) | A Graña (San Bernabeu) | A Lamosa (San Bartolomeu) | Maceira (San Salvador) | Paraños (Santa María) | O Piñeiro (San Xoán) | Prado (San Salvador) | Prado de Canda (Santiago) | Santiago de Covelo (Santiago)

Notas

1. Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
2. Concello de Covelo. "Maceira". Consultado o 03-09-2015. 

Véxase tamén

Outros artigos

• Lugares de Covelo