A macedonia é un prato composto de froita, verdura ou legumes picados ou de pequeno tamaño. A macedonia de froitas é un tipo de ensalada de froitas que se serve fría e como sobremesa especialmente en Grecia, na Romanía, en España,[1] en Francia, en Italia e na Arxentina. A macedonia de verduras é unha ensalada ou aperitivo composto por vexetais picados a cal, en Francia, adoita incluír feixóns. A macedonia de legumes é un prato quente que se serve con manteiga.[2]
Etimoloxía
A palabra macedonia popularizouse na metade do século XVIII para referirse á ensalada de froitas, talvez debido á diversa procedencia dos habitantes do Reino de Macedonia de Alexandre Magno.[3][4] Tamén hai quen afirma que fai alusión á mestura étina da macedonia otomá do século XIX[5], porén, isto non é posible debido a que xa no 1740 existía esta palabra.[6]
