En 1910, Giorgi trasladouse coa súa familia á China para impartir clases de gravado na Casa da Moeda de Tianjin, na que tamén ocupou o posto de gravador xefe.[1][2][3]
Na súa etapa chinesa, o traballo máis salientable de Giorgi foi o deseño e o gravado dos cuños para as moedas dun dólar (iuan) a nome de Yuan Shikai (1859-1916), un xeneral do exército e político chinés, activo entre a fin do Imperio Qing e os primeiros anos da República da China, da que chegou a ser autoproclamado emperador. A instancias do Ministro de Finanzas chinés, Luigi Giorgi tivo que deseñar unha moeda cunha aparencia completamente chinesa, e non puido gravar as súas inciais como a modo de marca de gravador, como era habitual.[1][2] O deseño do dólar estendeuse igualmente a unha serie composta por moedas de medio dólar (½ iuan),[4] 20 centavos (2 jiao)[5] e 10 centavos (jiao).[6][7][8]
Volta a Italia
Luigi Giorgi regresou a Italia en 1920 e instalouse en Varese, onde continuou exercendo o seu oficio de gravador. Alí estableceu en 1930, xunto cos seus fillos, unha empresa de fotografía e óptica que dirixiu ata o seu pasamento en 1954.[1][2]
.png)
