Lucía César Veloso, nada en Vilagarcía de Arousa en 1984, é unha cantareira, pandeireteira, mestra de música e política galega do BNG.
Traxectoria
Da parroquia de Bamio, é irmá do ciclista Gustavo César Veloso. Diplomada en maxisterio musical na Universidade de Santiago de Compostela. É cantareira e pandeireteira [1] e forma parte do grupo de música tradicional Malveiras[2] e dá clase de música en diversas asociacións culturais como O Gato Negro ou a Asociación de Mulleres Rurais de Carril.
Nas eleccións municipais de 2015 integrou a candidatura do BNG ao concello de Vilagarcía no número 3 como independente[3] lista que logrou dous concelleiros mais a renuncia en setembro da cabeza de lista, María Villaronga, fixo que entrase na corporación municipal[4] e asemade entrou a militar no Bloque[5]. En 2018 ao deixar Xosé Leirós a portavocía do grupo municipal Lucía César Veloso converteuse na nova voceira. Nas eleccións municipais de 2019 foi a candidadata á alcaldía de Vilagarcía polo BNG[6] tornando a única elixida da listaxe da súa formación.
Notas
Véxase tamén
Ligazóns externas
