As linguas papúas[1] son un conxunto de linguas faladas na illa de Nova Guinea e as illas do pacífico por arredor de 4 millóns de persoas, e que non se poden clasificar como linguas austronesias nin como linguas aborixes de Australia.[2] O termo non implica nin presupón unha relación xenética entre as linguas papúas, que se contan en máis de 780 agrupadas en varias familias e macrofamilias cuxa clasificación precisa ser mellorada con datos descritivos sobre máis linguas. O concepto de pobos papúas como pobos diferentes dos melanesios foi suxerido por primeira vez por Sidney Herbert Ray en 1892.
