PROFILBARU.COM

Lie to me
Formato	Drama
Creado por	Samuel Baum
Intérpretes	Tim Roth; Kelli Williams; Brendan Hines; Monica Raymund; Mekhi Phifer1; Hayley McFarland
Tema de apertura	Brand New Day; (Ryan Star)
Tema de peche	Mr. Clean; (The Jam)
País de orixe	Estados Unidos
Episodios	48
Produción
Produtor(es); executivo(s)	Brian Grazer; David Nevins; Samuel Baum
Duración	42 min/cap. aprox.
Distribuidor	Warner Bros
Emisión orixinal
Canle de orixe	FOX
Primeiro episodio	21 de xaneiro de 2009
Derradeiro episodio	31 de xaneiro de 2011
Na rede
	http://www.fox.com/lietome/
	[ editar datos en Wikidata ]

Lie to me (Mínteme, en galego), é unha serie de televisión estadounidense que se comezou a televisar en xaneiro de 2009 na cadea FOX e foi retirada de antena no mesmo mes do ano 2011.

A serie baséase no traballo de estudo e investigación da conduta humana realizado polo psicólogo Paul Ekman. A trama xira en torno a Cal Lightman e os seus compañeiros da empresa The Lightman Group que detectan verdades e mentiras para solucionar crimes.

Argumento

A serie mostra as investigacións levadas a cabo polo equipo formado polo especialista no comportamento humano Cal Lightman, interpretado por Tim Roth, e os seus colaboradores, a Dra. Gillian Foster, Eli Locker e Ria Torres. Analizan as microexpresións dos músculos da cara e o corpo dos sospeitosos, que delatan os seus sentimentos e impulsos.

O tempada o equipo presta os seus servizos a entidades coma o FBI ou a policía, ademais de casos particulares.

Personaxes

Principais

Personaxe	Actor	Descrición
Cal Lightman	Tim Roth	Psiquiatra especializado na detección de enganos, elaborou unha ciencia da detección de microexpresións corporais e faciais a partir da observación do vídeo gravado a súa nai xusto antes de que se suicidara. Utiliza esta ciencia para descubrir a verdade e axudar con ela ao próximo.
Dra. Gillian Foster	Kelli Williams	Psicóloga, é a socia do Grupo Lightman. Céntrase na análise da voz, as palabras e a psicoloxía.
Ria Torres	Monica Raymund	É unha das escasas persoas que poden ver as microexpresións detectadas por Lightman de maneira innata sen ter estudado esa ciencia antes, unha natural. É a protexida de Cal Lightman, quen espera que esta se converta na maior experta en detección de enganos.
Eli Loker	Brendan Hines	Experto en psicoloxía de grupo, é o principal investigador do Grupo Lightman pero recibe un trato bastante esixente por parte de Cal para tratar de curtilo e que se gañe os galóns.
Ben Reynolds	Mekhi Phifer	É un axente do FBI, que actúa como enlace desta axencia no Grupo Lightman, participando tamén nos casos e aportando os coñecementos policiais.
Emily Lightman	Hayley McFarland	é a filla de Cal Lightman e Zoe Landau, divorciados, polo que reparte o seu tempo entre as dúas casas, vese envolta en varios casos do Grupo Lightman.

Secundarios

Zoe Landau (Jennifer Beals). Avogada, é a ex-esposa de Cal Lightman.
Detective Wallawski (Monique Curnen). Tras abandonar a súa relación co FBI, Wallawski convértese extraoficialmente no seu enlace policial, tamén mantén unha complexa relación sentimental co Dr. Lightman.
Sarah Lange' (Shoshannah Stern). Estudante de posgraduado na Universidade de Princeton, que é contratada no Grupo Lightman coma axudante na redacción do segundo libro de Lightman. Ten un moderado grado de xordeira.
Charles (Fajim Anguar). Estudante de posgraduado que tamén e contratado para axudar a Lightman co novo libro.
Bernand Dillon (Conor O'Farrell). Xefe de Detectives do FBI e persoa por encima de Reynolds, mantén unha antiga rivalidade con Lightman por unha avaliación negativa que fixo este último e que atrasou o ascenso de Dillon varios anos.
Rick (Carter Jenkins). Mozo de Emily Lightman.
Alec (Tim Guinee). Marido de Gillian Foster, traballa na oficina do Departamento de Estado, ao final da primeira tempada divórcianse.
Clara Musso (Melissa George). Primeiro aparece como sospeitosa de homicidio pero remata sendo socia do Grupo Lightman a causa da mala situación económica desta. Tamén mantén unha breve relación sentimental con Cal Lightman.
Dave Atherton (Max Martini). Psicólogo dun centro de detención de menores, entabla unha relación sentimental con Foster. Porén desaparece ao ser en realidade un axente encuberto da DEA e ao rematar a súa misión en curso.
Karl Dupree (Sean Patrick Thomas). É o mozo de Torres durante a primeira tempada, desaparece da serie ao final da mesma tras saír ferido dunha explosión.