Leporello (libro)

Tipos de libros ou folletos dobrados. O número 4 é o tipo **acordeón**.

O leporello, tamén chamado libro de friso, libro de acordeón, ou só acordeón,^[1] é un libro que se desprega coma un acordeón grazas a unha técnica particular de dobrar e pegar as súas páxinas.

Terminoloxía

A palabra alude a Leporello, servo de Don Juan, que lle presenta a Dona Elvira a longa lista de conquistas do seu amo, dobrada nun acordeón, no primeiro acto da ópera de Mozart Don Giovanni (oíndose a aria "Madamina, il catalogo è questo").^[2]

Uso

Utilízase principalmente para series de fotos e imaxes (postais), folletos publicitarios ou libros de literatura infantil, ou en blocs, industriais ou feitos manualmente, para esbozos ou croquis. Tamén se utilizaba para impresións de código ou datos de computación.

Na América precolombiana producíronse códices con esta mesma técnica, como os códices mixtecos Nuttall e Vindobonense.^[3]

Galería

Imaxes de libros acordeón de distintas épocas
Un leporello despregado visto desde arriba.
Leporello de Hans Arp.
Retrato por Jean-Joseph Vaudechamp onde se ve un libro acordeón.
Impresión dun programa de computación nun libro acordeón.
Leporello con 24 postais de vistas aéreas de Dresden.

Notas

↑ Vidal, Sebastián (2023-06-30). "Como facer un acordeón para un exame ▷". Consultado o 2024-06-18.
↑ Becerra Suárez, Carmen (2006). "El mito de Don Juan en la cultura y la literatura gallega". Hispanística XX 23: 511–527. ISSN 0765-5681.
↑ "Códice Vindobonensis". Arqueología Mexicana (en castelán). 2022-05-30. Consultado o 2024-06-18.

Véxase tamén

[1] Vidal, Sebastián (2023-06-30). "Como facer un acordeón para un exame ▷". Consultado o 2024-06-18.

[2] Becerra Suárez, Carmen (2006). "El mito de Don Juan en la cultura y la literatura gallega". Hispanística XX 23: 511–527. ISSN 0765-5681.

[3] "Códice Vindobonensis". Arqueología Mexicana (en castelán). 2022-05-30. Consultado o 2024-06-18.

[1]

[2]

[3]