Laura Bugalho

Laura Bugalho

Biografía
Nacemento	6 de maio de 1964 (60 anos) Santiago de Compostela, España
Actividade
Ocupación	sindicalista, activista
Membro de	Confederación Intersindical Galega

Laura Bugalho, nada en Santiago de Compostela o 6 de maio de 1964^[1] é unha sindicalista e activista galega en diversas causas políticas e sociais, principalmente os dereitos das persoas migrantes^[2], os dereitos das persoas transexuais e a autodeterminación de Galiza.^[3]

Traxectoria

Diplomada en Maxisterio e licenciada en Pedagoxía, na especialidade de Intervención Social, traballa como sindicalista da CIG desde 1992. Asemade ten destacado como activista LGBT, transfeminista e a prol dos dereitos das persoas migrantes. É membro do Foro Galego de Inmigración, do colectivo Stop Desahucios Compostela e tamén milita na causa soberanista galega, amais de ser fundadora da asociación Transgaliza.^[4]

Ten publicado diversos artigos en publicacións como Andaina, A Nosa Terra, Novas da Galiza, Galiza Livre, Diário Liberdade^[5] e Sermos Galiza^[6].

En 2009 Laura Bugalho axudou a sacar á luz a trama da chamada Operación Peregrino, na que 57 persoas de orixe marroquí foran traídas a España coa promesa dun emprego despois de abonaren dez mil euros.^[7][8] A raíz daquel caso Bugalho foi acusada de falsidade documental e sometida a xuízo,^[9][10] mais chegaría a un pacto coa Fiscalía tras defender en todo momento que as acusacións partían dunha vinganza policial.^[11]

Recoñecementos

Laura Bugalho ten recibido, entre outros, os seguintes premios e recoñecementos:

• Premio Legais 2001 á Defensa dos Dereitos e Liberdades LGBT.
• Premio Triángulo de Ouro EHGAM 2009.
• Premio Nicolás Salmerón 2011 na categoría de Defensa das Liberdades Sexuais.

Notas

1. "Mulleres trans referentes para o 8M de 2021 (en PDF)" (PDF). ‘ARELAS’ Asociación de familias de menores Trans*. Arquivado dende o orixinal (PDF) o 26 de setembro de 2022. Consultado o 26 de setembro do 2022. 
2. "Laura Bugalho: "No puede ser que cada cual luche por su pequeña parcela si el campo es todo nuestro"". Píkara Magazine (en PDF). Consultado o 26 de setembro do 2016. 
3. "Discursos de Laura Bugalho (Causa Galiza) e Alberte Moço (NÓS-UP) no Dia da Pátria". Diário Liberdade. Consultado o 26 de setembro do 2022. 
4. "Detienen a una activista ‘trans’ por ayudar a migrantes". Diagonal. Consultado o 26 de setembro do 2022. 
5. Artigos de Laura Bugalho en Diário Liberdade
6. Artigos de Laura Bugalho publicados en Sermos Galiza^{[Ligazón morta]}
7. Se xulgan a Laura Bugalho, xúlgannos a todas
8. "Diez mil euros por papeles y un lugar de trabajo". Arquivado dende o orixinal o 17 de xaneiro de 2013. Consultado o 16 de xaneiro de 2013. 
9. "A sindicalista Laura Bugalho enfróntase a até 8 anos de cadea polo seu traballo con inmigrantes". Arquivado dende o orixinal o 19 de xaneiro de 2013. Consultado o 16 de xaneiro de 2013. 
10. "A acusación contra Bugalho non se presenta nos xulgados após exixir que se reabrise o caso". Arquivado dende o orixinal o 19 de xaneiro de 2013. Consultado o 16 de xaneiro de 2013. 
11. "La activista Laura Bugalho pacta con la Fiscalía 11 meses de prisión por falsedad documental para ayudar a inmigrantes". Infolibre. Consultado o 26 de setembro do 2022. 

Véxase tamén

Ligazóns externas

• Galiza Livre (26 de outubro de 2012). "Ativista galega submetida a assédio policial e ameaçada com cárcere por ajuda a imigrantes". Diário Liberdade. Arquivado dende o orixinal o 01 de xuño de 2020. Consultado o 30 de marzo de 2020. .
• Foro Galego de Inmigación (15 de xaneiro de 2013). "Comunicado de apoio a Laura Bulgalho". Praza Pública.