PROFILBARU.COM

Любовь к трём апельсинам, Lyubov' k tryom apel'sinam (en ruso); L'amour des trois oranges (en francés); O amor das tres laranxas
Forma	Ópera
Actos e escenas	4 actos cun prólogo
Idioma orixinal do libreto	Ruso
Libretista	Sergei Prokofiev e Vera Janacopoulos
Fontes literarias	Unha fábula de Carlo Gozzi: Fiaba dell'amore delle tre melarance (1761)
Estrea	30 de decembro de 1921
Teatro da estrea	Lyric Opera of Chicago
Lugar da estrea	Chicago
Duración	1 horas 45 minutos
Música
Compositor	Sergei Prokofiev
Personaxes
	Rei de Trévos (baixo); O príncipe (tenor); Princesa Clarissa (contralto); Leandro (barítono); Truffaldino (tenor); Fata Morgana (soprano)

L'Amour des trois oranges (en francés) ou en ruso Любовь к трём апельсинам (transliterado Lyubov' k tryom apel'sinam, traducible ao galego como O amor das tres laranxas) é unha ópera satírica en catro actos e un prólogo con música e libreto en ruso de Sergei Prokofiev composta en 1919.^[2] O seu libreto está baseado na obra teatral L'Amore delle tre melarance escrita por Carlo Gozzi en 1761, e baseada así mesmo no conto de fadas italiano homónimo escrito por Giambattista Basile. O libreto existe en dúas versións: unha en ruso (o orixinal) e unha en francés, traducido do ruso polo mesmo Prokofiev.

Estrea

A ópera foi estreada pola Lyric Opera of Chicago o 30 de decembro de 1921 no Teatro Auditorium baixo a dirección do mesmo compositor^[2] na versión francesa (titulada L'Amour des trois oranges) que realizara xunto con Vora Janacopulos. O éxito de público foi grande, mais a crítica reprochou a ausencia de melodía. A súa primeira produción en ruso en tivo lugar en Petrogrado (actual San Petersburgo) en 1926, e dende aquela entrou no repertorio estándar de moitas compañías de ópera.

Unha suite sinfónica, que contiña algunhas das mellores partes da ópera, conseguiu así e todo conquistar rapidamente as salas de concertos de todo o mundo. Só un cuarto de século máis tarde, e co crecente prestixio do compositor, os teatros de ópera recoñeceron o valor desta obra extraordinaria. É a ópera máis representada de Prokofiev, e aínda o sería máis de non ser pola súa complexidade e o gran número de personaxes que interveñen.

Personaxes

Personaxe	Tesitura	Intérpretes o 30 de decembro de 1921 Director: Sergei Prokofiev
Rei de Trévos (Monarca dun reino imaxinario)	baixo	James Francis
O Príncipe (fillo do Rei de Tréboles)	tenor	José Mojica
Fata Morgana (unha bruxa)	soprano	Nina Koshetz
Truffaldino (bufón da Corte)	tenor	Octave Dua
Leandro (Primeiro Ministro)	barítono	William Beck
Princesa Clarissa (sobriña do Rei)	contralto	Irène Pavlovska
Pantalón (conselleiro do Rei)	barítono	Désiré Defrère
Chelio (un mago)	baixo	Hector Dufranne
Princesa Ninetta	soprano	Jeanne Dusseau
Princesa Linetta	contralto	Philine Falco
Princesa Nicoletta	mezzosoprano	Frances Paperte
Esmeraldina (doncela de Fata Morgana)	soprano	Jeanne Schneider
Cleonte (cociñeiro da Corte)	baixo	Constantin Nikolay
Farfanello (un demo)	baixo	James Wolf
Mestre de cerimonias	tenor	Lodovico Oliviero
Un Heraldo	baixo	Jerome Uhl
Bailaríns, comediantes, cortesáns, demos, criados, soldados etc.

Notas

↑ Riding, Alan; Dunton-Downer, Leslie (2008). "Ópera rusa". Guías visuales Espasa: Ópera (en español) (1.ª ed.). Espasa Calpe, S.A. p. 331. ISBN 978-84-670-2605-4.
↑ ^2,0 ^2,1 "The Love for Three Oranges, Op 33". Arquivado dende o orixinal o 27 de setembro de 2011. Consultado o 16 de decembro de 2011.