Kevin Clancy

Kevin Clancy

Biografía
31º Presidente da Sociedade Numismática Británica
2017 – ← Roger Bland
Datos persoais
País de nacionalidade	Británica
Educación	Universidade de Leeds.
Tese académica	'The recoinage and exchange of 1816-17 (1999).
Director de tese	Graham Dyer e Christopher Challis.
Q89547790	Expresidente da BNS. Director do Museo da Royal Mint.
Actividade
Campo de traballo	Numismática.
Ocupación	investigador, numismático, conservador
Premios
2022: Premio Blunt, da BNS.

Kevin Clancy é un numismático británico, cunha traxectoria profesional vinculada á Royal Mint, a ceca real británica.

Traxectoria

Kevin Clancy graduouse en Historia na Universidade de Leeds, onde en 1999 acadou o seu doutoramento cunha tese sobre as recuñaxes británicas de 1816-1817,^[1][2] dirixida polos profesores Graham Dyer e Christopher Challis.^[3]

Clancy incorporouse en 1992 á Royal Mint, onde ocupa o posto de director do seu museo numismático. En tal condición destaca, entre outras, a súa contribución para a creación da exposición permanente sobre a historia da Royal Mint na Torre de Londres.^[4]

Clancy foi nomeado en 2003 secretario do Comité Asesor sobre o Deseño de Moedas, Medallas, Selos e Condecoracións da Royal Mint, que asesora o Goberno británico e a Coroa sobre os deseños de moedas e obxectos similares.^[4][5]

Kevin Clancy é membro da British Numismatic Society desde 1993,^[1] e en 2016 foi elixido presidente desta entidade,^[4] cargo que ocupou ata novembro de 2021, cando foi substituído por Elina Screen.^[6][7][8]

Recoñecementos

• (2022): Premio Blunt, da British Numismatic Society, de Londres.^[1][9]

Publicacións

Estas son as principais monografías publicadas por Kevin Clancy ao longo da súa traxectoria:

• (1999). The recoinage and exchange of 1816-17. University of Leeds.
• (2008). Designing change: The art of coin design. The Royal Mint. ISBN 978-1-869917067
• (2015). A history of the sovereign: chief coin of the world. (2015). Royal Mint Museum. ISBN 978-1-869917005
• (2016). The Royal Mint: An Illustrated History. Royal Mint Museum. ISBN 978-1869917012
• (2018). Objects of war: currency in a time of conflict. Spink Books. ISBN 978-1907427909

Notas

1. "Presentation of the Council Prize to Dr Kevin Clancy, 28 may 2002". British Numismatic Society.
2. Véxase (1999) en "Publicacións".
3. "The recoinage and exchange of 1816-17". White Rose eTheses Online (etheses.whiterose.ac.uk).
4. "Dr Kevin Clancy, Museum Director". The Royal Mint Museum.
5. "Royal Mint Advisory Committee". The Royal Mint Museum.
6. "Presidents of the Society". British Numismatic Society.
7. "New President for British Numismatic Society". Allaboutcoins.co.uk
8. "Dr Elina Screen new president of the British Numismatic Society". En Coins Weekly. 19 de xaneiro de 2023.
9. "Blunt Prize". British Numismatic Society.