Josip Skoblar (nado o 12 de marzo de 1941 en Privlaka) é un ex-futbolista e adestrador iugoslavo/croata.
Clubs
Skoblar debutou na primeira división iugoslava co NK Zadar, no ano 1957. En 1959 é transferido ao OFK Beograd no que ficaría ata o ano 1967. Entrementres consegue gañar a Copa de Iugoslavia de Fútbol en 1962 e 1966.
En 1967 decide probar sorte no fútbol xermano, fichando polo Hannover 96. Xogaría un total de 57 encontros anotando 30 goles.
En 1970 marcha ao fútbol francés, ó Olympique de Marseille, onde sería tres veces máximo goleador da liga francesa, entre 1971 e 1973, amais de consegui-la Bota de Ouro en 1971. A nivel de club gaña o título de liga en 1971 e a Copa de Francia de Fútbol en 1972
Selección
Skoblar xogou coa selección iugoslava entre 1961 e 1967, un total de 32 encontros e 11 goles. Participou no Mundial de Fútbol Chile 1962 anotando un gol. Iugoslavia remataría en cuarto posto.
Notas
- Nogometni leksikon (2004, en Croata)
.svg){kind=small}
