Josefa Barreiro González

Josefa Barreiro González

Biografía
Nacemento	1910 O Carril, España
Morte	19 de marzo de 1937 (26/27 anos) Vilagarcía de Arousa, España
Causa da morte	pena de morte, ferida por arma de fogo
Actividade
Ocupación	sindicalista, membro da resistencia

Josefa Barreiro González, nada no Carril (Vilagarcía de Arousa) en 1910 e finada no mesmo concello o 19 de marzo de 1937, foi unha sindicalista e guerrilleira galega.

Traxectoria

Gañou a vida dende pequena traballando de criada. Casou con José Tobío e alugaron unha casa no barrio da Torre. Grazas á súa tía Otilia tomou contacto co sindicato da CNT de Trabanca Badiña. Co golpe de Estado do 18 de xullo de 1936 agochou na súa casa a Urbano Tarrío Montero. O 17 de marzo de 1937 entrou na casa unha cuadrilla de falanxistas baixo o mando de Mouriño. Mataron alí mesmo a Urbano Tarrío e levaron a Josefa á sede de Falange onde foi torturada. Foi asasinada o 19 de marzo “como incursa en un delito de guerra”. Foi soterrada nunha fosa común do cemiterio municipal de Vilagarcía.^[1]

Vida persoal

Casou con José Tobío e foi pai de Julio e Valentín Tobío Barreiro.

Notas

1. A ciencia ao rescate da memoria dos 18 asasinados na foxa de Vilagarcía

Véxase tamén

Bibliografía

• Abuín Duro, Marcelino (2018). La primavera rota. Vilagarcía de Arousa, 1936-1941. Abegondo: Sociedad Bibliográfica de Galicia. ISBN 978-84-09-02453-7.