O Grupo Folha é un conglomerado de cinco empresas brasileiras de Medios de cominicación, fundado polo empresario Octavio Frias de Oliveira (1912-2007) e dirixido polo seu fillo Luiz Frías desde 1992.[2]
Datos económicos
Na última década o grupo case triplicou a súa facturación, chegando aos 2 700 millóns de reais en 2010. O lucro antes de descontar os intereses, impostos, depreciacións e amortizacións (EBITDA) alcanzou os 600 millóns de reais.[3]
En febreiro de 2012, este periódico ampliou o seu liderado entre os diarios de prestixio no Brasil, con 297 500 exemplares en circulación, media diaria do mes, situándose nun 12 % por diante do cariocaO Globo, e nun 20,3 % por riba de O Estado de S. Paulo.[5]
Ademais da Folha, o grupo publica o periódico Agora São Paulo e ten un 50 % de participación no diario Valor Econômico, en sociedade co Grupo Globo. Os dous son líderes de circulación nas áreas de periodismo popular e periodismo económico, respectivamente.
En setembro de 2016 o Grupo Globo comprou a última parte do Grupo Folha e pasou a ser o único dono do diario Valor Econômico.[6]
Distribución e impresión
Nos sectores de distribución e impresión, o Grupo Folha conta coas unidades de negocio Transfolha e Folhagráfica. Tamén posúe participacion accionarial nas empresas Plural e SPDL. A Plural é resultado dunha joint-venture coa estadounidense Quad/Graphics e co control do Grupo Folha.
A SPDL é unha asociación entre os grupos Folha (50 %) e Estado (50 %) e distribúe os xornais das dúas empresas.[7] Tamén fan parte do Grupo Folha o Datafolha, un dos principais institutos de investigación sociolóxica do país; a editora Publifolha; o selo Três Estrelas, lanzado en 2012 para publicar libros nas áreas de humanidades, e a axencia de noticias Folhapress.
Internet
Entrada principal do grupo Folha.
1995
A Folha lanza o primeiro xornal en tempo real do país, o FolhaWeb.[8]
1996
Lánzase en abril o Universo Online (UOL), provedor de acceso a Internet e contidos.[9]
