Germinal Esgleas Jaume (pseudónimo de Josep Esgleas i Jaume, nado en Malgrat de Mar o 5 de outubro de 1903 e finado en Tolosa (Francia) o 21 de outubro de 1981, foi un anarcosindicalista e militante da FAI.
Traxectoria
En 1919 estableceuse en Calella, Malgrat de Mar e Mataró, onde fixo activismo a prol da CNT. En decembro de 1923 foi elixido secretario da Confederación Rexional do Traballo de Cataluña. Representando á Federación Local de Calella e outros sindicatos, participou no terceiro Congreso da CNT en Madrid entre o 11 e o 16 de xuño de 1931. Foi compañeiro sentimental de Federica Montseny, e colaborou en La Revista Blanca, defendendo o apoliticismo da CNT. Durante a guerra civil foi membro do Comité Executivo do Movemento Libertario de Cataluña en 1937.
Ó rematar a guerra exiliouse en Francia, e en 1945 foi elixido secretario do Comité Nacional do Movemento Libertario Español-CNT, e entre 1958 e 1963 foi secretario xeral da AIT.
Obras
- Sindicalismo: orientación doctrinal y táctica de los sindicatos obreros y la CNT (1935)
