Geldgeschichtliche Nachrichten (en galego: "Noticias de Historia Monetaria") é unha revista de edición bimensual (os meses impares) publicada desde 1965 pola Sociedade de Historia Monetaria Internacional (Gesellschaft für Internationale Geldgeschichte –GIG–).[1]
Os artigos publicados nesta revista refiren a todas as áreas da historia da moeda, do diñeiro e da medalla. O período que abrangue é desde o inicio das emisións monetarias, no século VII a. de C., ata os nosos días.[1]
Na súa sección de actualidade, fanse públicas as datas de celebración de exposicións, conferencias, feiras e poxas de moedas, así como cursos universitarios acerca da historia monetaria, e publícanse tamén recensións das novidades editoriais nese ámbito.[1]
A pertenza á GIG implica directamente a subscrición á revista Geldgeschichtliche Nachrichten, que ten unha tiraxe de arredor de 1.000 exemplares e se distribúe en 30 países.[1]
A súa redactora xefa desde 2017 é Alexa Küter.[2]
Notas
Véxase tamén
Outros artigos
