Francisco Vázquez Enríquez

Francisco Vázquez Enríquez

Biografía
Nacemento	século XIX valor descoñecido
Morte	29 de novembro de 1951 Santiago de Compostela, España
Alcalde de Santiago de Compostela
17 de novembro de 1934 – 23 de febreiro de 1936 ← Raimundo López Pol – Ánxel Casal →
Actividade
Ocupación	xornalista

Francisco Vázquez Enríquez, finado en Santiago de Compostela o 29 de novembro de 1951^[1], foi un avogado, xornalista e político galego.

Traxectoria

En 1903 dirixiu La Emancipación de Noia. Foi Xuíz municipal de Outes (1908-1909). En novembro de 1917 dirixiu Gaceta de Galicia. Colaborou en A Nosa Terra. Foi candidato das Irmandades da Fala para as eleccións de 1918 polo distrito de Noia fronte a Eduardo Gasset Neira, pero foi derrotado. Foi proclamado deputado provincial polo distrito de Negreira-Corcubión en 1921^[2], foi incapacitado e suspendido no cargo en marzo de 1923, pero o acordo foi revogado en novembro^[3]. Tamén foi candidato a deputado polo distrito de Ordes nas eleccións de 1923^[4]. Instalado como avogado en Santiago de Compostela, en 1931 foi elixido presidente do comité provisional da Agrupación Nazonalista de Santiago. En 1934 foi nomeado alcalde de Santiago de Compostela e deputado provincial. Foi xefe superior de Administración civil.

Francisco Vázquez Enríquez, 1921.

Predecesor: Raimundo López Pol

Alcalde de Santiago  1934 - 1936

Sucesor: Ánxel Casal

Vida persoal

Casou con María de la Concepción Méndez-Brandón Bartolomé e foi pai de Fernando Vázquez Méndez.

Notas

1. Necrolóxica en La Noche, 30-11-1951, p. 5.
2. El Compostelano, 6-6-1921, p. 2.
3. El Ideal Gallego, 10-11-1923, p. 1.
4. El Ideal Gallego, 27-4-1923, p. 1.