O Estadio Latinoamericano é un recinto deportivo da cidade da Habana, construído en 1946, dedicado ó béisbol. Trátase do maior dos estadios de toda a illa, cunha capacidade para acoller a 55.000 seareiros nas súas bancadas, razón pola cal foi empregado para moitos outros espectáculos, sobre todo de boxeo. É así o segundo estadio de béisbol con maior capacidade do mundo, empatado co Tokyo Dome e tan só por detrás do Dodger Stadium (con capacidade para 56.000). Os equipos que exercen a localía do estadio son o Industriales da Habana, 12 veces campión das Series Nacionais, e a selección de béisbol de Cuba.
