O Estadio Ganzábal é un estadio municipal de fútbol do concello de Langreu, en Asturias, onde xoga a Unión Popular de Langreo e situado na localidade de La Felguera. Inaugurado tras meses de reformas no verán de 2006, ten capacidade para 4.000 espectadores sentados e é propiedade do Concello de Langreu. O terreo de xogo é de herba artificial. As bancadas ten un deseño singular con viseira e trincheiras de aceiro, cuns "castilletes mineiros" sostendo a iluminación da tribuna principal.
Historia
A historia do Ganzábal remóntase a principios dos anos 20 do pasado século cando o estadio, por aquel entón baixo o nome de La Barraca, comezou a albergar os partidos do Círculo Popular de La Felguera, conxunto que se fusionou en 1961 co Racing Club de Sama para dar vida ao actual Unión Popular de Langreo. A denominación de estadio Ganzábal fíxose en honra dun dos presidentes máis importantes que tivo o Círculo Popular na súa historia e que foi fundamental para culminar as obras de La Barraca. Tratábase do enxeñeiro Francisco Fernández Ganzábal, quen despois colaborou co equipo e axudou a construír o campo.
Véxase tamén
Ligazóns externas
