Domus (A Coruña)

Domus (A Coruña)
Coordenadas	43°22′40″N 8°24′24″O
País	España
Cidade	A Coruña
Tipo	Científico, cultural
Inauguración	1995
Na rede
http://mc2coruna.org/domus/
[ editar datos en Wikidata ]
v c e

Logotipo da Domus.

A Domus, anteriormente coñecida como Casa do Home, é un museo coruñés, o único interactivo conceptual e monográfico sobor do ser humano. Algunhas das súas montaxes máis interesantes son unha colaxe que representa a Gioconda, realizada con 10.062 fotografías de persoas de todo o mundo, imaxes dun parto, elaborar un menú e comprobar se é equilibrado ou ver os latexos do propio corazón. Inaugurouse en abril de 1995^[1] e é obra de César Portela e Arata Isozaki.^[2]

Contidos

Conta con 1.500 m² de exposicións, 300 deles na sala Severo Ochoa, de exposicións temporais, e unha sala de proxeccións de cinema en grande formato. Ten excelentes vistas ás praias de Riazor e Orzán.

As exposicións oferecen uns 200 módulos interactivos. Ademais de fornecer información, esixen ser accionados mediante algún mecanismo, frecuentemente en forma de xogos sinxelos, para entender o seu funcionamento. As áreas temáticas denomínanse Eu (a identidade), Nós (demografía), Bioquímica e Xenética, Paisaxes (medios de exploración do corpo e imaxes microscópicas de tecidos e células), Reprodución e desenvolvemento embrionario, Sentidos, Corazón e sistema circulatorio, Comer para vivir (nutrición e sentidos do gusto e o olfacto),^[3] Sistema motor, O pé, Cerebro, Equilibrio, habilidades e linguaxe.

A sala de proxeccións denomínase Leonardo da Vinci. As proxeccións son de grande formato (8/70) magnavisión sobre unha pantalla de 80 m². Conta cunha potencia de 7.000 vatios de luz e 4.000 de son, con 17 altofalantes. En dita sala proxéctanse películas IMAX ou en 3D,^[4] e impártense charlas de divulgación científica.^[5]

En 2015 inaugurouse a sala Maker, dedicada á robótica.^[6]

Expedición Balmis

Como lembranza da Real Expedición Filantrópica da Vacina, expedición científica que levou a vacina da varíola a América, inaugurouse un monumento na balconada do museo.^[7]

Galería de imaxes

Vexa o artigo principal en Galería de imaxes da Casa do Home

• 
  Fachada que dá á Enseada do Orzán
• 
  Cabeza do vixilante da entrada da Domus, Botero
• 
  Obra de Botero
• 
  Entrando na Domus

Homenaxe aos membros da expedición Balmis na Domus da Coruña
Vicente Ferrer, 7 anos	Juan Antonio, 5 anos	Antonio Veredia, 7 anos	Pascual Aniceto, 3 anos	José Manuel María, 6 anos
Gerónimo María 7 anos	Francisco Antonio, 9 anos	Francisco Florencio, 5 anos	Nome descoñecido	Cándido, 7 anos
Tomás Melitón, 3 anos	Balcón Balmis na Domus da Coruña, homenaxe ás persoas da expedición.			Juan Francisco, 9 anos
Clemente, 6 anos				José, 3 anos
Andrés Naya, 8 anos	Domingo Naya, 6 anos	Manuel María, 3 anos	Martín, 3 anos	Benito, 9 anos
Jacinto, 3 anos	Vicente María Sale y Bellido, 3 anos	José Jorge Nicolás de los Dolores, 3 anos	Isabel Zendal Gómez	Membros da expedición

Notas

1. Arquivo da TVG
2. "Falece o arquitecto Arata Isozaki, autor da Domus da Coruña". Xornal da Coruña. 29 de decembro de 2022. Consultado o 1 de abril de 2023. 
3. Méndez, Mila (22 de xullo de 2022). "La alimentación es protagonista en la nueva Domus". La Voz de Galicia. Consultado o 1 de abril de 2023. 
4. EP (20 de decembro de 2010). "A Domus proxecta en A Coruña a película 'Wild Safari' en 3D". La Opinión de A Coruña. Consultado o 1 de abril de 2023. 
5. Graña Suárez, Begoña (9 de maio de 2022). "Pseudoterapias: todo pola pasta". La Voz de Galicia. Consultado o 1 de abril de 2023. 
6. Concello da Coruña
7. Rivera, Alicia (3 de decembro de 2003). "A Coruña recuerda a los 22 niños que llevaron la vacuna de la viruela a América". El País (en castelán). Consultado o 1 de marzo de 2016. 

Véxase tamén

A Galipedia ten un portal sobre: A Coruña

Ligazóns externas

• Páxina web do Domus
• Sistema Galego de Museos
• Turgalicia