O dialecto de Kansai (en xaponés: 関西弁Kansai-ben; tamén coñecido como Kansai hōgen (関西方言?)) é un grupo de dialectos xaponeses falados na rexión de Kansai, no Xapón. En xaponés, Kansai-ben é o nome común e só é chamado dialecto Kinki (近畿方言,Kinki hōgen?) en contextos técnicos. Os dialectos de Kyoto e Osaca, especialmente no período Edo, tamén son chamados dialecto Kamigata (上方言葉,Kamigata kotoba?, ou Kamigata-go (上方語?)). O dialecto de Kansai está tipificado pola fala de Osaca, a meirande cidade de Kansai, polo cal tamén é chamado Osaka-ben. Caracterízase por ser unha fala máis melódica e máis forte que a dos falantes da lingua estándar.[1] O dialecto de Osaca, en particular, asóciase co humor, e por iso moitos comediantes usan frases no dialecto de Osaca para dar senso de humor á ocasión.
