David Concha Salas, nado en Santander o 20 de novembro de 1996 é un futbolista español que xoga como extremo dereito ou dianteiro no Gimnàstic de Tarragona.
Traxectoria
Formouse na canteira do Racing de Santander, onde ingresou aos 9 anos, procedente do CD Marina Sport.[1] Debutou co primeiro equipo o 6 de decembro de 2013, entrando como substituto de Javi Barrio na derrota por 0-1 ante o Sevilla na Copa do Rei.[2] Rematou a tempada con 13 partidos, contribuíndo ao ascenso do equipo á Segunda División.
En xullo de 2015 asinou un contrato de cinco anos coa Real Sociedad, saíndo cedido ao Numancia na primeira das tempadas. Na seguinte campaña, de volta en Vitoria, debutou na Primeira División, nunha derrota por 0-3 ante o Real Madrid.[3] En agosto de 2017 saíu cedido ao FC Barcelona B, onde xogou ata xaneiro de 2018.[4]
O 9 de marzo de 2019, tras máis dun ano de inactividade, saíu por primeira vez ao estranxeiro, fichando polo Gamba Osaka xaponés.[5] O 27 de febreiro de 2020, despois de só dous partidos oficiais, regresou a España e ingresou no Badajoz.[6]
En xullo de 2022 asinou co Hammarby Fotboll, da Allsvenskan de Suecia, co que disputou 14 partidos ata xaneiro.[7] O club informou da súa retirada do fútbol,[8] pero o 11 de xullo de 2023, despois de seis meses sen equipo, fichou polo Gimnàstic de Tarragona da Primeira División RFEF.[9]
Selección española
En maio de 2014 foi convocado por primeira vez pola selección española sub-19.[10] Proclamouse con esta campión da Eurocopa sub-19 de 2015, na que disputou 75 minutos contra Rusia.[11]
Palmarés
- Selección española sub-19
Notas
_con_palla_e_corona.png){kind=small}
