O Complexo deportivo Rías do Sur é un complexo deportivo situado en Pontemuíños (Pontevedra),[1] e que destaca por contar cunha das catro piscinas olímpicas de Galicia[2] xunto coa piscina municipal de Riazor (A Coruña)[3], a piscina olímpica municipal de Lieiro (Cervo)[4], e a piscina Rosario Dueñas (Ourense)[5].
Historia
A idea da creación dunha piscina olímpica na zona naceu da falta de espazo e recursos que experimentou o Club Natación Galaico (fundado no 1994) a finais dos anos 1990, que por aquel entón estaba a crecer moito en tamaño e seguía tendo que utilizar as rúas dispoñibles nunha piscina de 25 metros dun ximnasio en Pontevedra chamado Gimnasio Budo.
A conciencia da envergadura do proxecto levou a crear no ano 2000 a Asociación de Amigos de la Piscina Olímpica, composto por 150 asociados (a maioría familias). Esta asociación xunto co Club Natación Galaico e o Club Natación Rías Baixas (creado en 1996), que suman máis de 350 nadadores, integran o padroado da Fundación Rías do Sur. O esforzo económico da asociación, a cesión de terreos polo Concello e o concurso económico do Concello de Pontevedra, a Deputación de Pontevedra, a Xunta de Galicia e o Consello Superior de Deportes promoverá a construción da piscina olímpica coa colaboración de Ence cedendo a enerxía calorífica.
As obras leváronse a cabo entre outubro de 2003 e 2005, e inaugurouse o 3 de marzo de 2006.[1]
Galería de Imaxes
-
Campionato de España Absoluto Open de Primavera de 2017
-
Campionato de España Absoluto Open de Primavera de 2017
-
Campionato de España Absoluto Open de Primavera de 2017
-
Campionato de España Absoluto Open de Primavera de 2017
-
Campionato de España Absoluto Open de Primavera de 2017
-
Mireia Belmonte no Campionato de España Absoluto Open de Primavera de 2017
Notas
