Clorita

Clorita

Clorita é o nome xenérico de numerosos aluminosilicatos do grupo dos filosilicatos,^[1] silicatos hidratados de aluminio con ferro e manganeso. Nalgúns deles predomina o ferro, mentres que noutros é máis importante a presenza de manganeso e doutros metais.

Etimoloxía

O termo clorita procede do grego χλωρος, chlōros, "verde", en alusión á cor predominante en todos os minerais deste grupo.^[2]

Orixe

Son minerais de orixe metamórfica,^[1] que cristalizan no sistema monoclínico e que se encontran en forma de láminas flexíbeis de cor verde. Fórmanse por transformación ou alteración da auxita, a biotita e a hornblenda.^[3]

Minerais do grupo das cloritas

Os minerais máis comúns do grupo son o clinocloro, a pennantita, a filita e a chamosita, aínda que se describiron gran número deles.^[3]

Notas

1. Definicións no Dicionario da Real Academia Galega e no Portal das Palabras para clorita.
2. Clorita en Definiciona.
3. Klein & Hurlbut 1993, pp. 500-501.

Véxase tamén

Ligazóns externas

• Galería de minerais do grupo da clorita (en inglés).
• Informacións sobre a clorita (en inglés)