Ciro Guerra, nado o 6 de febreiro de 1981, é un director e guionista colombiano. O seu primeiro filme, La sombra del caminante, fíxoo en 2004, cando tiña 23 anos. Foi escollido como candidato colombiano ó Óscar ó mellor filme en lingua non inglesa na 78ª edición dos premios, porén non foi nomeado. O seu seguinte filme Los viajes del viento competiu na sección Un Certain Regard do Festival de Cannes de 2009[1] e foi escollido como candidato colombiano 82ª edición dos premios, mais tampouco foi escollido.
O seu filme de 2015 El abrazo de la serpiente foi proxectado na sección "Quinzaine des Réalisateurs" do Festival de Cannes de 2015,[2][3] onde gañou o premio C.I.C.A.E. Gañou o premio de mellor filme no Festival Internacional de Cinema de Odesa e Lima, onde tamén recibiu o premio. O filme estivo entre os nomeados na 88ª edición dos premios, sendo o primeiro filme colombiano en ser nomeado na historia.[4]
En 2018, Guerra estreou o seu cuarto filme, Pájaros de verano. Rodado no deserto de La Guajira, Colombia, Guerra declarou que é "como un filme de gángters, mais é algo completamente diferente a calquera filme de gángsters que viras xamais".[5][6]
Notas
Véxase tamén
Ligazóns externas
_(cropped).jpg)
