O Castelo de Aguilar de Campoo é un castelo de orixe medieval situado no concello de Aguilar de Campoo, Palencia, Castela e León, España.
Descrición
Trátase dun conxunto en ruínas de planta trapezoidal, do que aínda se conserva a maior parte do conxunto exterior, muros e torres. Aséntase sobre unha pena de 970 metros.
É un conxunto de arte románica que orixinalmente tiña dúas entradas: unha na fachada leste, de medio arco apuntado, sobre a que se achan restos dos escudos de armas; e outra no sector noroeste, xa tapiada e en mal estado de conservación.
A meirande parte dos grosos muros de grosa pedra tamén están en mal estado. Consérvanse restos das torres do recinto interior.
Historia
Señorío de Tello de Castela, herdado por Garci V Fernández Manrique de Lara, marqués de Aguilar de Campoo e V señor de Aguilar. A orixe do castelo é unha torre defensiva levantada na época da Reconquista, da que os primeiros testemuños documentais datan de 1039.[1]
Foi reformado varias veces entre os séculos XII e XIV. A mediados do s XIV foi apresado nesta fortificación o cardeal Pedro Gómez Barroso por orde de Pedro o Cruel por censurar Sigüenza a prisión de Branca de Borbón ordenada polo seu esposo, o monarca castelán. Don Pedro era medio irmán de Tello de Castela, señor de Aguilar.[2]
Notas
