Para outras páxinas con títulos homónimos véxase:
Boado.
San Pedro de Boado é unha das 22 parroquias do concello ourensán de Xinzo de Limia na comarca da Limia. No ano 2022 tiña 104 habitantes, dos cales 49 eran homes e 55 mulleres.[2]
Economía
As súas actividades económicas principais son a gandería (vacún), a agricultura (trigo, pataca e produtos da horta). Tamén hai outros servizos como a fontanería, mecánica, e sector servizos.
Topónimo
Hai varias teorías sobre a orixe do topónimo Boado. Pode provir da palabra céltica bed/bud, que significaba "auga parada, charca, fonte", pola súa proximidade á Lagoa de Antela. Tamén é posible que proveña do árabe ouadi ("río"), ou do latín uadum ("fonte"), dado o feito de que en Boado existen máis de vinte fontes.
Demografía
| Gráfica de evolución demográfica de Boado entre 2000 e 2020 |
|
|
| Datos segundo o IGE.[2]
|
Festas
O patrón da parroquia é San Pedro, que se celebra a última fin de semana do mes de xuño, mais tamén se celebran misas e festas por Ramos, polo magosto e polo Entroido.
Galería de imaxes
Lugares e parroquias
Lugares de Boado
Parroquias de Xinzo de Limia
Notas
Véxase tamén
Outros artigos
Ligazóns externas
.jpg)
