BCM Gravelines

BCM Gravelines-Dunkerque
Información xeral
Nome	Basket Club Maritime Gravelines Dunkerque Grand Littoral
Liga	Pro A
Alcume	BCM
Fundación	1984
Historia	BCM de Gravelines (1984−2002)
Cores	Laranxa, azul
Presidente	Christian Devos
Adestrador	John-David Jackson
Mascota	Texel
Seareiros	Les Irréductibles
Localización
Cidade	Gravelines, Francia
Pavillón	Sportica
Capacidade	3 043
Inauguración	1986
Campionatos
Copa	1 (2005)
bcmbasket.com

O Basket Club Maritime Gravelines Dunkerque Grand Littoral, coñecido como BCM Gravelines Dunkerque ou simplemente BCM, é un club profesional de baloncesto francés con sede na cidade de Gravelines, situada na rexión da Alta Francia. Actualmente xoga na Ligue Nationale de Basket Pro A (LNB), a máxima categoría do baloncesto galo. No ano 2005 o club gañou o seu primeiro campionato da Copa de Francia.

Historia

En 1984, o Basket Club Maritime de Gravelines naceu baixo o impulso de Albert Denvers, tenente de alcalde de Gravelines, e Yves Leprêtre, alcalde de Grand-Fort-Philippe, que propuxo a fusión dos seus dous clubs.^[1] Tan só tres anos máis tarde, o BCM gañou o primeiro título na súa historia ao dominar a Nationale 2 (actual Pro B), mais non consegue ascender xa que ningún club ficou descendido durante a temporada 1986−87 da máxima categoría. Foi finalmente o 1 de maio de 1988 cando o Gravelines conseguiu entrar por vez primeira na Nationale 1 (actual Pro A), despois dun último partido de play-off contra o SLUC Nancy.

Despois de conseguir a permanencia durante dúas temporadas, o BCM clasificouse en 1990 para xogar a Copa Korać. O Gravelines vence na primeira rolda ao Nashua EBBC (89-72 e 74-67), mais cae na seguinte contra o Estudiantes Caja Postal (66-77 e 68-78). Após subir pouco a pouco na xerarquía do baloncesto francés, o club entra en dificultades económicas a partir de 1995. Coa chegada de Hervé Beddeleem á presidencia, o Gravelines recorre ás autoridades locais e convértese no terceiro poder financeiro do campionato de Francia detrás do Pau-Orthez e o ASVEL Villeurbanne (o seu orzamento duplicarase nuns poucos anos). En 2002, o club fusionouse co de Dunkerque para converterse no Gravelines Dunkerque Grand Littoral Basketball Club.

Despois de perder tres finais en dous anos (a Copa de Francia en 2003 contra Pau-Orthez, a Liga ao ano seguinte contra o mesmo club e a Supercopa de 2005 contra o SLUC Nancy), o BCM gaña a Copa de 2005 contra o Cholet por 91-79. Esta final mantívose igualada durante todo o tempo de xogo até que non últimos catro minutos o Gravelines fixo un parcial de 11-0 ao seu opoñente. Desde aquelas o club ocupa habitualmente as primeiras prazas da competición, aínda que sen conseguir volver gañar ningún título.

Ano a ano

Ano	Nivel	Liga	Pos.	Copa	Supercopa	Competicións europeas
2010–11	1	Pro A	3rd	Rolda de 32	Campión	3 EuroChallenge	CF	8–6
2011–12	1	Pro A	5º	Rolda de 16	Subcampión	1 Euroleague	QR1	0–1
						2 Eurocup	T16	5–7
2012–13	1	Pro A	5º	Rolda de 32	Campión	3 EuroChallenge	4º	11–5
2013–14	1	Pro A	12º	Rolda de 32		2 Eurocup	L32	8–8
2014–15	1	Pro A	9º	Rolda de 32
2015–16	1	Pro A	6º	Semifinais	Cuartos de final
2016–17	1	Pro A	9º	Rolda de 32	Cuartos de final	4 FIBA Europe Cup	R2	6–6
2017–18	1	Pro A	13º	Rolda de 32
2018–19	1	Pro A	11º	Rolda de 32
2019–20	1	Pro A	17º	Rolda de 16
2020–21	1	Pro A	15º	Cuartos de final
2021–22	1	Pro A	12º	Semifinais

Xogadores

Destacados

• Hervé Dubuisson
• Andrew Albicy
• Georges Vestris
• Xavier Wallez
• Ali Bouziane
• Dainius Adomaitis
• Saulius Kuzminskas
• John Holland
• Steve Burtt, Sr.
• Bobby Dixon
• Larry Lawrence
• Jerry McCullough
• George Montgomery
• J. R. Reynolds
• Lawrence Roberts
• Danny Strong
• K'Zell Wesson
• Tyson Wheeler

Títulos

Copa de Francia

• Campións (1): 2005
• Subcampións (2): 2003, 2010

Supercopa de Francia

• Campións (2): 2011, 2013
• Subcampións (2): 2005, 2012

Notas

1. "Histoire". bcmbasket.com (en francés). Consultado o 14 de setembro de 2018. 

Véxase tamén

Ligazóns externas

• Páxina web oficial (en francés)