Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.
Anxioedema alérxico: este neno non é capaz de abrir os ollos debido ao inchazo.
A anafilaxe é unha reacción inmunitaria severa, xeneralizada, de rápida instalación e potencialmente mortal, ante o contacto do organismo cunha substancia que provoca alerxia.[1][2]
Características
Con maior frecuencia é o resultado de reaccións inmunolóxicas aos alimentos, medicamentos e picadas de insectos, pero pódea inducir un axente capaz de producir unha desgranulación espontánea, sistémica, de mastocitos ou basófilos.[3]
A anafilaxe diferénciase da alerxia pola extensión da reacción inmunitaria que compromete particularmente ao sistema respiratorio e ao cardiovascular. Cando nas manifestacións da anafilaxe se pon en risco inmediato e repentino a vida do paciente, utilízase o termo choque anafiláctico.
O risco de choque anafiláctico pode ocorrer cando se utilizan medios de contraste en radioloxía, ou se aplican algúns fármacos terapéuticos que se comportan como alérxenos aos cales o suxeito está sensibilizado.
