Alimento saudable

Este artigo foi editado no proxecto Wikipedia:Proxectos pedagóxicos/IES Breamo.

Un alimento saudable é aquel que carece dalgún ingrediente, ou non o contén en grandes cantidades, que poida xerar algunha enfermidade dexenerativa cando se repite o seu consumo.^[1]

Ademais, é aquel que pola súa composición igual ou polo particular proceso da súa fabricación, distínguese dos produtos de consumo corrente. Son apropiados para o obxectivo nutritivo sinalado e comercialízanse indicando que responden a devandito obxectivo.

Podemos atopar estes alimentos saudables en:

• Alimentos para nenos lactantes e de pouca idade;
• Alimentos para situacións nas que aumentan as necesidades de enerxía ou nutrientes;
• Alimentos sen glute;
• Alimentos con reducido contido en calorías;
• Alimentos hiposodicos;
• Alimentos con reducido contido en graxa, colesterol e ácidos graxos saturados;
• Alimentos destinados a persoas con diabetes;
• Alimentos non refinados e produtos a base de fibra alimentaria;
• Produtos para nutrición artificial;
• Alimentos que son baixos en colesterol.

Moderación, variedade e balance

Os principios da alimentación saudable veñen determinados pola moderación, a variedade e o balance da comida.

Na cuestión da moderación, "non hai alimentos bos ou daniños, senón que todo alimento é saudable se é consumido con moderación". En canto á variedade, atoparémonos co consumo de todos aqueles nutrientes necesarios para o organismo, permitindo unha gran variedade de alimentos. Por último, determinarase a adecuada inxesta de nutrientes, entre o consumo enerxético, a inxesta de calorías e o gasto enerxético.^[2]

Existen dous tipos de balances enerxéticos:

• Balance enerxético positivo: ocorre cando a inxesta de enerxía (alimentos) supera o gasto enerxético total. O exceso de enerxía almacénase en forma de graxa nas células adiposas e os cambios a longo prazo reflíctense na estrutura corporal e o aumento de peso.
• Balance enerxético negativo: é cando a inxesta de enerxía é menor que o gasto enerxético total. Como consecuencia, o corpo utiliza as reservas de glucóxeno e de graxa como combustible, reducindo o tecido graxo e provocando a redución de peso.

O cálculo do gasto enerxético realízase da seguinte maneira:

Balance enerxético = inxesta enerxética (alimentación) - gasto enerxético.^[3]

Notas

1. Martínez. Alimentos.Composición y propiedades (en español) (primera edición ed.). Interamericana de España. 
2. MORAIS, Carmen Montero. "Alimentación e Vida Saudable Somos o que comemos?". Universidade Pontificia de Comiñas, Madrid. 2003. ISBN 84-8468-105-X
3. VELÁZQUEZ, Gladys. "Fundamentos da alimentación saudable". Editorial Universidade de Antioquía. 2006. ISBN 958-655-990-4

Véxase tamén

Outros artigos

• Ortorexia
• Saúde
• Alimentos funcionais