Para outras páxinas con títulos homónimos véxase:
Agrón.
San Lourenzo de Agrón[1] é unha parroquia que se localiza no oeste do concello coruñés de Ames, na comarca de Santiago, cunha superficie de 7,24 km². Segundo o padrón municipal (INE 2018) ten 380 habitantes (180 homes e 200 mulleres), 145 menos ca en 1999. Ten quince entidades de poboación.
Etimoloxía
O topónimo Agrón non ten unha orixe clara.[2] Martínez Lema propuxo a procedencia prerromana de okr + one[3], de significado pouco claro, que viría reforzada pola recorrencia das formas Ogrom, Ogron e Ogrone no tombo de Toxos Outos. Porén, xa na Idade Media (1390) aparece citado como Agrõ, o que levaría probablemente a unha resegmentación ao interpretar ese a- inicial como artigo, e despois unha remasculinización a formas do século XVI como San Lorenço de Gron, San Lorenço d’Ogron, Sant Lorenço do Gron ou en o Gron.[4]
Notas
- ↑ 1,0 1,1 1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ López Boullón, Xosé Ramón (2019). Toponimia de Ames. A Coruña: Real Academia Galega. p. 19-20. ISBN 978-84-947823-7-4.
- ↑ Martínez Lema, Paulo (2010). A toponimia das comarcas de Bergantiños, Fisterra, Soneira e Xallas na documentación do Tombo de Toxos Outos (séculos XII-XIV) (Tese de doutoramento ed.). Universidade de Santiago de Compostela.
- ↑ Boullón Agrelo, Ana Isabel (2011). "O artigo na toponimia galega: aspectos da estandarización". Revista Galega de Filoloxía (12): 11–35. ISSN 1576-2661.
Lugares e parroquias
Lugares de Agrón
Parroquias de Ames
Véxase tamén
Bibliografía
Outros artigos
