90 Day Men

90 Day Men
Orixe	St. Louis, Missouri,
Período	1995 - ao redor de 2004
Xénero(s)	math rock, rock progresivo
Selo(s) discográfico(s)	Southern Records
Membros	Brian Case Cayce Key Andy Lansangan Robert Lowe
Na rede
http://www.90daymen.com

90 Day Men foi unha banda estadounidense de rock progresivo fundada no ano 1995 en St. Louis, Missouri, e posteriormente baseada en Chicago, Illinois. O seu nome é un termo da xerga que usan os policías para referirse aos reclusos que deben someterse a un exame psiquiátrico.^[1]

Historia

O grupo naceu no ano 1995 en St. Louis como un trío composto por Brian Case, Cayce Key e Chandler McWilliams. En 1996 a banda lanzou a súa estrea, o sinxelo "Taking Apart the Vessel" con tres temas.^[2]

En 1997 uniuse a eles Robert Lowe como trompetista e vocalista e a banda mudouse a Chicago. Ese mesmo ano a banda gravou o seu primeiro traballo como cuarteto, o sinxelo "If You Can Bake a Cake, You Can Build a Bomb", seguido en 1998 polo EP 1975-1977-1998, lanzado polo selo Temporary Residence e que incluía os dous temas do sinxelo e tres cancións máis.^[3][4] A finais dese ano 90 Day Men fichou polo selo Southern Records.^[3]

Con Southern a banda gravou o seu álbum de estrea, (It (Is) It) Critical Band, lanzado no ano 2000. Nesa época uniuse ao grupo o teclista Andy Lansangan.^[3]

A banda lanzou dous álbums de estudio máis, To Everybody en 2002, e Panda Park en 2004, ámbolos dous a través de Southern Records,^[3] ademais de editar o EP To Late or Too Dead en 2003. A banda separaríase pouco despois.

No ano 2005 Lowe iniciou o proxecto en solitario Lichens, e publicou material co nome Robert A. A. Lowe con varios selos. Lowe tamén tocou no grupo Om varios anos. Brian Case formou barias bandas, como The Ponys, Disappears, e FACS,^[5] e o batería Cayce Key toca en Bloodiest.^[3][6]

Álbum	Ano	Selo	Notas
Taking Apart the Vesse	1996	autoeditado	EP
If You Can Bake a Cake, You Can Build a Bomb	1997	Action Boy	EP
1975-1977-1998	1998	Temporary Residence	EP
Split with GoGoGoAirheart	2000	Box Factory Records	EP compartido con GoGoGoAirheart
(It (Is) It) Critical Band	2000	Southern Records	álbum
To Everybody	2002	Southern Records	álbum
Too Late or Too Dead	2003	Southern Records	EP
Panda Park	2004	Southern Records	álbum

Notas

1. "The 90 Day Men Songs, Albums, Reviews, Bio & More". AllMusic (en inglés). Consultado o 2023-03-28. 
2. "The 90 Day Men - Taking Apart The Vessel" (en inglés). 1996. Consultado o 2023-09-16. 
3. "90 Day Men". Temporary Residence Ltd. Consultado o 2023-09-16. 
4. "The 90 Day Men - 1975-1977-1998" (en castelán). 1998. Consultado o 2023-09-16. 
5. Warwick, Kevin (2019-03-21). "Chicago postpunks Facs cut their last tether". Chicago Reader (en inglés). Consultado o 2023-10-17. 
6. "Bloodiest Biography, Songs, & Albums". AllMusic (en inglés). Consultado o 2023-10-17.