Árbores senlleiras de Galicia

Vista do castiñeiro de Pumbariños no Souto de Rozavales, que é ademais un monumento natural.

Unha árbore senlleira na lexislación galega é unha árbore autóctona ou importada que, polas súas características extraordinarias ou destacábeis (tamaño, idade, rareza, beleza, significación histórica, cultural ou científica etc.) é considerada reliquia botánica. Coa súa declaración, son obxecto de protección, concédeselle garantía de respecto comunitario e foméntase o seu valor científico, cultural, didáctico, paisaxístico ou ornamental.^[1][2] A figura de "árbore senlleira" é similar a figuras de protección doutras autonomías españolas e doutros estados europeos.

En Galiza a figura creouse coa "Lei 9/2001, do 21 de agosto, de conservación da natureza", e que creou o "Catálogo Galego de Árbores Senlleiras de Galicia" e regulou o seu proceso de declaración. Co "Decreto 67/2007, do 22 de marzo" concretouse ese proceso de declaración e conservación desas árbores. Na creación do catálogo, no 2007, engadíronse varios monumentos naturais que xa foran creados polo interese de conservación das súas árbores: a Fraga de Catasós, o Souto da Retorta e o Souto de Rozavales.^[2][3]

En Galiza en 2020 estaban declaradas 197 árbores ou formacións arbóreas de 78 especies, entre as cales se atopan carballos, castiñeiros, teixos e sobreiras (entre as especies de árbores autóctonas) e camelias, sequoias ou alciprestes (entre as especies ornamentais ou importadas).^[1]

Catálogo de árbores senlleiras

A vella oliveira de Vigo do Paseo de Afonso XII, símbolo da cidade.

Árbore das bruxas, Metrosideros excelsa, na policía local da Coruña

A "Lei 9/2001, do 21 de agosto, de conservación da natureza" creou no seu "Tit. I Cap. II artigo 52" a figura de catálogo de árbores senlleiras que no que se indica que se deben incluír aqueles exemplares ou formacións dos que, polos seus valores ou intereses natural, cultural, científico, educativo, estético ou paisaxístico, sexa necesario asegurar a súa conservación. Ese catálogo de árbores senlleiras elaborouse e regulouse no 2007 co "Decreto 67/2007, do 22 de marzo", coa finalidade de definir a súa forma de declaración, conservación e descatalogación. Esta figura conservouse coa aprobación da "Lei 5/2019, do 2 de agosto, do patrimonio natural e da biodiversidade de Galicia".^[2][3][4]

A lexislación establece que a candidatura de árbores senlleiras pode ser iniciada por entidades públicas ou privadas e estas estar en terreos de diferente titularidade. Á hora de seleccionar os exemplares ou formacións senlleiras estúdase a idade dos exemplares, relevancia cultural (criterios históricos e tradicionais), valor estético (criterios estéticos e dendrométricos), rareza (criterios biolóxicos e ecolóxicos) na súa situación ou na súa distribución (criterios de situación) etc. O obxectivo é fundamentalmente protexelas de riscos e ameazas, garantindo a súa conservación. Nos exemplares incluídos no catálogo poderanse levar a cabo, baixo a supervisión da administración, todo tipo de tratamentos silvícolas e actuacións encamiñadas á súa protección, conservación e mellora.^[2]

Críticas

Algunhas críticas ao catálogo xestionado por parte da Xunta foi que non actualizasen a listaxe ata o ano 2015. Dende 2011 desapareceron algunhas árbores senlleiras e outras encóntranse en risco extremo de morte ou desaparición.^{[Cómpre referencia]} Entre estes exemplares figuran a magnolia do Pazo de Santa Cruz (Vedra); o piñeiro manso dos Candeiras (en Ponteareas), o piñeiro bravo de Alxén (en Salvaterra de Miño); unha faia do Parque de Castrelos (en Vigo); media ducia de carballos centenarios da Carballeira de Caldas de Reis; un par de alciprestes de California do peirao de Ortigueira; o olmo de Holanda do Pazo de Lourizán (en Pontevedra); o rododendro de Serantellos (en Cambados) e o chopo branco do Balneario de Cuntis (xa desaparecido por mor dun vendaval en 2013).^[5][6] O cocoteiro de Chile do pazo de Meirás sucumbiu por mor do picudo vermello en 2024.^[7]

A situación do teixo dos Tenreiro, en Pontedeume, era tamén crítica^[8] e foi descatalogado en 2020.^[9]

Listaxes

O eucalipto coñecido como "O Avó" do Souto da Retorta. Pódese apreciar o groso do toro.

Entre as árbores senlleiras galegas destacan aquelas que foron declaradas monumentos naturais. Son:

• A Carballa da Rocha: esta formación arbórea atópase en Rairiz de Veiga á beira do río Limia preto da antiga Lagoa de Antela. Está na contorna do ZEC da Veiga de Ponteliñares. Destaca por un carballo, Quercus robur L., de grandes dimensións e cando menos 400 anos. Nesta carballeira celébrase a romaría da saínza.^[10][11][12]

• A Fraga de Catasós, a Carballeira ou Souto de Quiroga: é unha fraga que se atopa en Quintela, na parroquia de Catasós (Lalín). É un bosque mixto de carballos (Quercus robur L.), e castiñeiros (Castanea sativa). Os castiñeiros chegan a máis de 30 metros de altura e 5 metros de perímetro basal.^[13][11]

• O Souto da Retorta: esta formación, que se atopa na parroquia de Chavín (Viveiro) á beira do río Landro, é fundamentalmente un souto. Nel destaca, porén, o eucalipto azul coñecido como O Avó. Malia non ser o exemplar máis alto do conxunto arbóreo da Retorta, é o máis sobresaínte polo seu grosor e por ser o máis ancián desta paraxe (ten entre 120 e 130 anos). Acada os 61,8 metros de altura, ten 7,6 metros de perímetro e un volume de 75,2 metros cúbicos. É considerada a árbore máis grande de Galiza e de España, e unhas das máis grandes de Europa.^[14] Este souto atópase en parte dentro do ZEC Río Landro.^[15][11]

• O Souto de Rozavales: son soutos mansos galegos de castiñeiros, que se atopan en Manzaneda. Este souto adevesado e en xeral enxertado empregouse para obter madeira e castañas e pode ter preto de 1.000 anos. A súa árbore máis singular é o castiñeiro de Pumbariños, que ten un perímetro basal de 13 metros e unha base de 1,90 metros. Este souto atópase na ZEC do Macizo Central.^[16][11]

Listaxe de árbores senlleiras de Galiza

A seguir amósase a listaxe oficial do Catálogo de Árbores Senlleiras de Galiza da Xunta de Galicia actualizada cos datos do ano 2022.^[17]

Código	Nome	Imaxe	Especie	Concello	Provincia
1A	Perona do paseo da Ferradura		Abeto do Cáucaso	Santiago de Compostela	A Coruña
2A	Pradairo da igrexa de Vilarpandín		Pradairo común	Navia de Suarna	Lugo
3A	Pravia de Vilalba		Pradairo común	Vilalba	Lugo
5A	Ameneiro do pazo de Maside		Amieiro	Pantón	Lugo
6A	Araucaria do Brasil do xardín de Caldas de Reis		Piñeiro do Paraná	Caldas de Reis	Pontevedra
7A	Araucaria araucana do castelo de Soutomaior		Piñeiro de Chile	Soutomaior	Pontevedra
9A	Érbedo do pazo de Mariñán		Érbedo	Bergondo	A Coruña
10A	Cedro de California do pazo de Torrecedeira		Cedro de California (Calocedrus decurrens)	Redondela	Pontevedra
11A	Camelia "Pantalóns" do pazo de Lens		Camelia do Xapón	Ames	A Coruña
12A	Camelia do pazo de Santa Cruz		Camelia do Xapón	Vedra	A Coruña
13A	Camelias do pazo de Torres Agrelo		Camelia do Xapón	Redondela	Pontevedra
14A	Matusalén de Camelias do pazo de Castrelos		Camelia do Xapón	Vigo	Pontevedra
15A	Camelia reticulada do pazo de Oca		Camellia reticulata	A Estrada	Pontevedra
16A	Camelia 'sasanqua' do pazo de Torres Agrelo		Camellia sasanqua	Redondela	Pontevedra
18A	Castiñeiro da Capela		Castiñeiro común	Begonte	Lugo
19A	Castiñeiro do Val da Fonte		Castiñeiro común	Folgoso do Courel	Lugo
20A	Castiñeiro de Pumbariños do Souto de Rozavales		Castiñeiro común	Manzaneda	Ourense
22A	Castiñeiro da Ribeira		Castiñeiro común	A Mezquita	Ourense
23A	Castiñeiro do Souto da Ramigoa		Castiñeiro común	Nogueira de Ramuín	Ourense
25A	Castiñeiros de Peninvello		Castiñeiros comúns	Xinzo de Limia	Ourense
26A	Casuarinas da alameda da praza de Compostela		Piñeiro de Australia	Vigo	Pontevedra
27A	Cedros do Himalaia dos xardíns de Vincenti		Cedros do Himalaia	Pontevedra	Pontevedra
28A	Cedro do Líbano do pazo de Lourizán		Cedro do Líbano	Pontevedra	Pontevedra
29A	Coroa de Cristo do xardín histórico de Padrón		Árbore do amor	Padrón	A Coruña
30A	Camecíparis de Lawson da casa da Puebla		Chamaecyparis lawsoniana	O Incio	Lugo
32A	Canforeiras do pazo de Rubiáns		Canforeira	Vilagarcía de Arousa	Pontevedra
33A	Laranxeira "obscena" do pazo de Brandariz		Laranxeira amarga	Ortigueira	A Coruña
34A	Criptomeria do pazo de Santa Cruz		Cryptomeria japonica	Vedra	A Coruña
35A	Criptomeria do castelo de Soutomaior		Cryptomeria japonica	Soutomaior	Pontevedra
36A	Criptomeria elegante do pazo de Oca		Cryptomeria japonica var.elegans	A Estrada	Pontevedra
37A	Cunninghamia do pazo de Gondomar		Cunninghamia lanceolata	Gondomar	Pontevedra
38A	Cunninghamia do xardín de Caldas de Reis		Cunninghamia lanceolata	Caldas de Reis	Pontevedra
39A	Alcipreste da California da Misericordia		Alcipreste da California	Viveiro	Lugo
40A	Alcipreste da California do pazo de Quintáns		Alcipreste da California	Meis	Pontevedra
41A	Alcipreste mediterráneo da capela do Salvador		Alcipreste mediterráneo (Cupressus sempervirens var. fastigiata).	Samos	Lugo
42A	Eucaliptos do pazo de Mariñán		Eucalipto azul	Bergondo	A Coruña
43A	Eucalipto da casa de Reimunde		Eucalipto azul	Foz	Lugo
44A	O Avó de Chavín, Souto da Retorta		Eucalipto azul	Viveiro	Lugo
45A	Eucaliptos do paseo da Ferradura		Eucalipto azul	Santiago de Compostela	A Coruña
46A	Eucaliptos do pazo de Castrelos		Eucalipto azul	Vigo	Pontevedra
47A	Eucalipto do Maná da casa de Ordax		Eucalyptus viminalis	Castro de Rei	Lugo
48A	Faias do parque de Castrelos		Faia europea	Vigo	Pontevedra
49A	Figueira do Meco		Figueira común	O Grove	Pontevedra
50A	Figueira da Casa Museo Rosalía de Castro		Figueira común	Padrón	A Coruña
51A	Freixo de folla estreita de Montepando		Freixo de folla estreita	Monforte de Lemos	Lugo
52A	Freixo de Porta		Freixo común	Sobrado	A Coruña
53A	Xinkgos do pazo de Fonseca		Xinkgo	Santiago de Compostela	A Coruña
54A	Acivro do pazo de Casanova		Acivro	O Pino	A Coruña
55A	Cocoteiro de Chile do pazo de Meirás		Palmeira de Chile	Sada	A Coruña
56A	Tulipeiros de Virxinia do pazo de Santa Cruz		Árbore das tulipas	Vedra	A Coruña
57A	Tulipeiros de Virxinia do pazo de Castrelos		Árbore das tulipas	Vigo	Pontevedra
58A	Magnolio Grandiflora de Santa Rita		Magnolio común	Narón	A Coruña
59A	Magnolias Grandifloras do pazo de Rubiáns		Magnolio común	Vilagarcía de Arousa	Pontevedra
61A	Metasequoia do pazo de Lourizán		Sequoia do alba	Pontevedra	Pontevedra
62A	Metrosideros excelso dos xardíns da torre de Andrade		Árbore das bruxas	Pontedeume	A Coruña
63A	Metrosideros excelso do xardín da policía da Coruña[18][19]		Árbore das bruxas	A Coruña	A Coruña
64A	Oliveira do paseo de Afonso XII		Oliveira	Vigo	Pontevedra
65A	Oliveiras do cemiterio de Adina		Oliveira	Padrón	A Coruña
66A	Palmeira datileira do mosteiro de Herbón		Datileira	Padrón	A Coruña
67A	Ombú do Centro Cultural de Santa Cruz		Ombú	Oleiros	A Coruña
68A	Ombú do pazo de Santa Cruz		Ombú	Vedra	A Coruña
69A	Piñeiro Bravo de Leiro		Piñeiro bravo	Miño	A Coruña
71A	Piñeiro insigne do castelo de Santa Cruz		Piñeiro insigne	Oleiros	A Coruña
72A	Plátano de Sombra do pazo de Dompiñor		Platanus hispanica	O Incio	Lugo
73A	Douglasia Verde do pazo de Casanova		Abeto de Douglas	O Pino	A Coruña
76A	Rebolo do pazo da Pena		Cerquiño	Manzaneda	Ourense
77A	Carballo do pazo de Vilar de Francos		Carballo común	Carballo	A Coruña
78A	Carballo de Ramos		Carballo común	Taboada	Lugo
79A	Carballo do Viño ou Carballo do Pelete		Carballo común	A Lama	Pontevedra
80A	Carballo da capela de Santa Margarida		Carballo común	Pontevedra	Pontevedra
81A	Carballa da Rocha		Carballo común	Rairiz de Veiga	Ourense
82A	Carballo do pazo de Cartelos		Carballo común	Carballedo	Lugo
83A	Carballo grande de Bustelo de Abaixo		Carballo común	Carballedo	Lugo
84A	Carballo da casa do Herdeiro		Carballo común	Carballedo	Lugo
85A	Carballos do campo de golf		Carballo común	Lugo	Lugo
86A	Carballo de Mede		Carballo común	Xermade	Lugo
87A	Carballo da Casa Grande		Carballo común	Carballedo	Lugo
88A	Carballo grande do Mestre		Carballo común	Carballedo	Lugo
89A	Carballo grande de Reboreda		Carballo común	Porqueira	Ourense
90A	Carballo fastixiado do pazo de Santa Cruz		Carballo común Q. robur var. fastigiata	Vedra	A Coruña
91A	Carballo fastixiado do xardín botánico de Padrón		Carballo común Q. robur var. fastigiata	Padrón	A Coruña
92A	Aciñeira de Covas		Aciñeira (Q. ilex subsp. ballota)	Rubiá	Ourense
94A	Sobreira do pazo de Valiñas		Sobreira	A Estrada	Pontevedra
95A	Sobreira do Cristo de Arriba		Sobreira	Redondela	Pontevedra
96A	Sobreira da casa do Tristo, ou de Santiorxo		Sobreira	A Pobra do Brollón	Lugo
97A	Sequoias vermellas do xardín botánico de Padrón		Sequoia común	Padrón	A Coruña
98A	Sequoia vermella do castelo de Soutomaior		Sequoia común	Soutomaior	Pontevedra
99A	Sequoia xigante do pazo do Casal		Sequoia xigante	Bergondo	A Coruña
100A	Alciprestes dos illós do xardín de Artime		Alcipreste dos illós	Vilagarcía de Arousa	Pontevedra
101A	Teixo do pazo de Baldomir		Teixo	Bergondo	A Coruña
102A	Teixo da igrexa de Córneas		Teixo	Baleira	Lugo
104A	Tuia xigante do pazo de Torres Agrelo		Tuia xigante	Redondela	Pontevedra
105A	Tileiro prateado da alameda do Campo da Estrela		Tileiro prateado	Santiago de Compostela	A Coruña
106A	Palmeiras washingtonias robustas do pazo de Santa Cruz		Palmeira de abano mexicana	Vedra	A Coruña
107A	Abeto branco de Carballal[20]		Abeto branco	A Estrada	Pontevedra
108A	Araucaria de Carballeira		Araucaria americana	Pontevedra	Pontevedra
110A	Castiñeiro de Pexeiros		Castiñeiro común	Os Blancos	Ourense
111A	Castiñeiro de Cerdedelo		Castiñeiro común	Laza	Ourense
112A	Castiñeiro de Trambolosríos		Castiñeiro común	Parada de Sil	Ourense
113A	Castiñeiro de Santa Eufemia		Castiñeiro común	Baños de Molgas	Ourense
114A	Castiñeiro de Cádavos		Castiñeiro común	A Mezquita	Ourense
115A	Castiñeiro do Prado da Ponte		Castiñeiro común	A Mezquita	Ourense
116A	Castiñeiro de Placín		Castiñeiro común	Manzaneda	Ourense
117A	Abeleira do pazo de Lourizán		Abeleira	Pontevedra	Pontevedra
118A	Criptomeria do Xapón do pazo de Lourizán		Cedro xaponés	Pontevedra	Pontevedra
119A	Dicksonia do pazo de Santa Cruz		Dicksonia antarctica	Vedra	A Coruña
120A	Freixo de folla estreita de Albarín		Freixo de folla estreita	O Porriño	Pontevedra
121A	Xinkgo de Vilaboa		Xinkgo	Culleredo	A Coruña
123A	Magnolia de Oural		Magnolio común	Boqueixón	A Coruña
124A	Metrosideros da leira de Besada		Metrosideros robusta	Poio	Pontevedra
125A	Moreira negra de Cangas de Foz		Moreira negra	Foz	Lugo
126A	Piñeiro de Alxán		Piñeiro bravo	Salvaterra de Miño	Pontevedra
127A	Chopo branco do balneario de Cuntis		Populus alba L.	Cuntis	Pontevedra
128A	Carballo da Portela		Carballo común	Mondariz	Pontevedra
129A	Carballo de Portacal		Carballo común	Sobrado	A Coruña
130A	Carballo de Freán		Carballo común	Xermade	Lugo
131A	Carballo de Vilatuxe		Carballo común	Lalín	Pontevedra
132A	Carballo de Soutolongo		Carballo común	Lalín	Pontevedra
133A	Pai dos Rebolos		Carballo común	Viana do Bolo	Ourense
134A	Carballo de Luxís		Carballo común	Castro de Rei	Lugo
135A	Carballo de Cabanavella-I		Carballo común	Cervantes	Lugo
136A	Carballo de Cabanavella-II		Carballo común	Cervantes	Lugo
137A	Sobreira de Loña		Sobreira	Ourense	Ourense
138A	Sobreira de Siador		Sobreira	Silleda	Pontevedra
139A	Rododendro arbóreo de Serantellos		Rododendro arbóreo	Cambados	Pontevedra
140A	Salgueiro da braña de Xafardán		Salgueiro bravo	Vilanova de Arousa	Pontevedra
141A	Sequoia vermella do pazo de Lourizán		Sequoia común	Pontevedra	Pontevedra
142A	Sófora xaponesa do pazo de Lourizán		Sófora S. japonica var. pendula	Pontevedra	Pontevedra
143A	Teixo de Cereixido		Teixo	Quiroga	Lugo
144A	Teixo de Carballido		Teixo	A Fonsagrada	Lugo
145A	Teixo de Fontaneira		Teixo	Baleira	Lugo
146A	Teixo de Balmonte		Teixo	Castro de Rei	Lugo
147A	Olmeiro híbrido do pazo de Lourizán		Ulmus x hollandica Mill.	Pontevedra	Pontevedra
148A	Cedro atlántico do pazo do Hórreo[21]		Cedrus atlantica	Santiago de Compostela	A Coruña
149A	Ombú do Castro[22]		Ombú	Vigo	Pontevedra
150A	Castiñeiro de Soutogrande[23]		Castiñeiro común	Vilariño de Conso	Ourense
151A	Piñeiro manso do pazo do Cabido[23]		Piñeiro manso	Vilanova de Arousa	Pontevedra
152A	Carballo de Bermés[24]		Carballo común	Lalín	Pontevedra
153A	Sequoia da alameda do Campo da Estrela[24][25]		Sequoia común	Santiago de Compostela	A Coruña
154A	Cerquiño de Queguas[24]		Cerquiño	Entrimo	Ourense
155A	Castiñeiro de Oreal[24]		Castiñeiro común	Viana do Bolo	Ourense
156A	Falso ciprés de Silvouta[26]		Alcipreste de Lawson	Santiago de Compostela	A Coruña
157A	Magnolia grandiflora da casa da Picota[27]		Magnolio común	Boqueixón	A Coruña
158A	Sobreira da Peneda[28]		Sobreira	Redondela	Pontevedra
159A	Castiñeiro Casa Fragueiro[28]		Castiñeiro	Lugo	Lugo
160A	Castiñeira de Ramil[29]		Castiñeiro	Triacastela	Lugo
161A	Magnolio de Tabagón[30]		Magnolia de Soulange	O Rosal	Pontevedra
162A	Nogueira do Camiño Vello[31]		Nogueira común	Triacastela	Lugo
163A	Criptomeria xaponesa do Palco da música do Xardín histórico de Mondariz-Balneario[32]		Criptomeria	Mondariz-Balneario	Pontevedra
164A	Alciprestes de Portugal do Xardín histórico de Mondariz-Balneario[32]		Cupressus lusitanica	Mondariz-Balneario	Pontevedra
165A	Secuoia vermella de Xirimbao I[33]		Sequoia	Teo	A Coruña
166A	Secuoia vermella de Xirimbao II[33]		Sequoia	Teo	A Coruña
167A	Sobreira de Outeda[33]		Sobreira	Barro	Pontevedra
168A	Sobreiras da necrópole da Capela dos Mártires[34]		Sobreira	Valga	Pontevedra
169A	Gran Castiñeiro de Surribas[35]		Castiñeiro	O Irixo	Ourense

Listaxe de formacións senlleiras de Galiza

Código	Nome da formación	Imaxe	Especie	Concello	Provincia
1F	Buxal da casa da Botana		Buxo	Arzúa	A Coruña
2F	Buxal do pazo de Santa Cruz		Buxo	Vedra	A Coruña
3F	Buxal do pazo de Oca		Buxo	A Estrada	Pontevedra
4F	Castiñeiros do Xapón e da China do pazo de Lourizán		Castiñeiro do Xapón e castiñeiro da China	Pontevedra	Pontevedra
5F	Fraga de Catasós		Castiñeiro común e carballo común	Lalín	Pontevedra
6F	Souto de Rozavales		Castiñeiro común	Manzaneda	Ourense
7F	Carreira de eucaliptos do pazo de Barrantes		Eucalipto azul	Ribadumia	Pontevedra
8F	Eucaliptos do pazo de Rubiáns		Eucalipto azul	Vilagarcía de Arousa	Pontevedra
9F	Souto da Retorta		Eucalipto azul	Viveiro	Lugo
10F	Alciprestes de California do xardín do Malecón		Alcipreste de California	Ortigueira	A Coruña
11F	Mirtos do pazo de Mariñán		Mirto	Bergondo	A Coruña
12F	Retícula de oliveiras do pazo de Santa Cruz		Oliveira	Vedra	A Coruña
13F	Palmeiral canario dos xardíns de Méndez Núñez		Palmeira das Canarias	A Coruña	A Coruña
14F	Palmeiras do Senegal do xardín botánico de Padrón		Palmeira do Senegal	Padrón	A Coruña
15F	Plátanos de sombra do pazo de Mariñán		Plátano común (Platanus hispanica)	Bergondo	A Coruña
16F	Plátanos de sombra do paseo do Esporón de Padrón		Plátano común (Platanus hispanica)	Padrón	A Coruña
17F	Carballeira de Caldas de Reis		Carballo común	Caldas de Reis	Pontevedra
18F	Carballeira de San Lourenzo de Trasouto		Carballo común	Santiago de Compostela	A Coruña
19F	Teixedal de Casaio		Teixo común	Carballeda de Valdeorras	Ourense
20F	Carreira dos tileiros do pazo de Oca		Tileiro de folla grande	A Estrada	Pontevedra
21F	Olmos do xardín de San Carlos		Ulmus x hollandica	A Coruña	A Coruña
22F	Carreira de araucarias de Noia[20]		Araucaria australiana	Noia	A Coruña
23F	Bidueiral de Xares		Bidueiro (B. celtiberica)	A Veiga	Ourense
24F	Carreira de buxos da illa de San Simón		Buxo	Redondela	Pontevedra
26F	Castiñeiros dos Blancos		Castiñeiro común	Os Blancos	Ourense
27F	Devesa de Cartelos		Carballo común	Carballedo	Lugo
28F	Carballos da praza do Campo de Bande		Carballo común	Bande	Ourense
29F	Sobreiral de Magán		Sobreira	Cuntis	Pontevedra
30F	Tileiros prateados da igrexa de San Domingos		Tileiro prateado	Ribadavia	Ourense
32F	Faias de San Xoán de Lagostelle[22]		Faia	Guitiriz	Lugo
33F	Sobreiras do Faro[24]		Sobreira	Oia	Pontevedra
34F	Araucarias de Cambados[24]		Piñeiro de Norfolk	Cambados	Pontevedra
35F	Carballeira de Muimenta[24]		Carballo común e freixo común	Cospeito	Lugo
36F	Piñeiros mansos do Rosal[24]		Piñeiro manso	O Rosal	Pontevedra
37F	Souto da Rubial[23]		Castiñeiro común	Folgoso do Courel	Lugo
38F	Olmos de Santiago de Reinante[26]		Ulmux x hollandica	Barreiros	Lugo
39F	Carreira de buxos do pazo Quinteiro da Cruz[36]		Buxo	Ribadumia	Pontevedra
40F	Sobreiras da Magdalena[37]		Sobreira	O Rosal	Pontevedra
41F	Carballeira de Baio[38]		Carballo común	Zas	A Coruña
42F	Bosque de camelios (agregado camelias I) e Paseo das noivas e fondo do prado (agregado camelias II)[33]		Camellia	Vedra	A Coruña
43F	Sobreiras de San Roque[34]		Sobreira	Tomiño	Pontevedra
44F	Alciprestes do Centro de Formación e Experimentación Agroforestal Pedro Murias[39]		Alcipreste de California	Ribadeo	Luga

Elementos descatalogados

As seguintes árbores ou formacións foron descatalogadas.

Código	Nome	Imaxe	Especie	Concello	Provincia
8A	Araucaria Excelsa da casa de Tenreiro[40][9]		Piñeiro de Norfolk	Pontedeume	A Coruña
17A	Pacana de Illinois do pazo de Mariñán[41][23]		Pacana de Illinois	Bergondo	A Coruña
21A	Castiñeiro do Mola[40][9]		Castiñeiro común	A Mezquita	Ourense
24A	Castiñeiro da Regadiña[40][9]		Castiñeiro común	A Pobra de Trives	Ourense
31A	Camecíparis de Lawson do castelo de Soutomaior[40][9]		Chamaecyparis lawsoniana	Soutomaior	Pontevedra
74A	Carballo Albarda da praza do Campo de Quindous[40][9]		Carballo albariño	Cervantes	Lugo
75A	Rebolo da praza do Campo de Quindous[40][9]		Cerquiño	Cervantes	Lugo
103A	Teixo da casa dos Tenreiro[40][9]		Teixo	Pontedeume	A Coruña
109A	Piñeiro de Norfolk do pazo de Rubiáns[41][9]		Piñeiro de Norfolk	Vilagarcía de Arousa	Pontevedra
122A	Nogueira de Licín[40][9]		Nogueira europea	O Saviñao	Lugo
25F	Buxeda do pazo de San Lourenzo[40][9]		Buxo	Santiago de Compostela	A Coruña
31F	Tileiros prateados do mosteiro de Oseira[40][9]		Tileiro prateado	San Cristovo de Cea	Ourense
93A	Sobreira de Valboa[41][9][42]		Sobreira	A Estrada	Pontevedra
4A	Castiñeiro das Indias do xardín botánico de Padrón[41][38]		Castiñeiro das bruxas	Padrón	A Coruña

Notas

1. Consellería de Medio Ambiente, Territorio e Vivenda. Xunta de Galicia, eds. "O Catálogo galego de árbores senlleiras". 
2. Consellería de Medio Ambiente e Desenvolvemento Sostible (Martes, 17 de abril de 2007). Xunta de Galicia, eds. "Decreto 67/2007, do 22 de marzo, polo que se regula o Catálogo Galego de Árbores Senlleiras.". DOG (Núm. 74): Páx. 6.136. 
3. Consellería de Medio Ambiente e Desenvolvemento Sostible (Martes, 04 de setembro de 2001). Xunta de Galicia, eds. "Lei 9/2001, do 21 de agosto, de conservación da natureza, no seu artigo 52, procedeu á creación do Catálogo Galego de Árbores Senlleiras de Galicia". DOG (Núm. 171): 11.754. 
4. Presidencia da Xunta de Galicia (Martes, 04 de setembro de 2001). Xunta de Galicia, eds. "LEI 5/2019, do 2 de agosto, do patrimonio natural e da biodiversidade de Galicia." (DOG Núm. 171): 11.754. 
5. "Árbores senlleiras de Galicia". Arquivado dende o orixinal o 05 de marzo de 2021. Consultado o 06 de abril de 2021. 
6. Lista de espera para entrar no Catálogo Galego de Árbores Senlleiras
7. Pérez, Antares (07-07-2024). "El picudo rojo acaba con el cocotero de Chile del pazo de Meirás, el único árbol protegido de Sada". La Opinión de A Coruña (en castelán) (Sada). Consultado o 06-09-2024. 
8. Noticia en El País, de xullo de 2014.
9. RESOLUCIÓN do 31 de xullo de 2020, da Dirección Xeral de Patrimonio Natural, pola que se fai pública a descatalogación de varios elementos do Catálogo galego de árbores senlleiras
10. "DECRETO 45/2007, do 1 de marzo, polo que se declara monumento natural A Carballa da Rocha, no concello de Rairiz de Veiga". Diario Oficial de Galicia, 23 de marzo de 2007. Consultado o 2021-01-29. 
11. Consellería de Medio Ambiente, Territorio e Vivenda. Xunta de Galicia, eds. "Monumentos Naturais". 
12. "DOG 59 do 23/03/2007 - DECRETO 45/2007, do 1 de marzo, polo que se declara monumento natural A Carballa da Rocha, no concello de Rairiz de Veiga.". www.xunta.gal. Consultado o 2024-02-01. 
13. Consellería de Medio Ambiente (Mércores, 12 de abril de 2000). Xunta de Galicia, eds. "DECRETO 76/2000, do 25 de febreiro, polo que se declara monumento natural a Fraga de Catasós, no concello de Lalín (provincia de Pontevedra).". DOG (Núm. 72): 5.140. 
14. Moya Sánchez, Bernabé (2003). Árboles Monumentales de España (en castelán). Madrid: CLH. p. 397. 
15. Consellería de Medio Ambiente (Mércores, 12 de abril de 2000). Xunta de Galicia, eds. "DECRETO 77/2000, do 25 de febreiro, polo que se declara monumento natural o Souto da Retorta, no concello de Viveiro (provincia de Lugo).". DOG (Núm. 72): Páx. 5.142. 
16. Conllerería de Medio Ambiente (Mércores, 12 de abril de 2000). Xunta de Galicia, eds. "DECRETO 78/2000, do 25 de febreiro, polo que se declara monumento natural o Souto de Rozabales, no concello de Manzaneda (provincia de Ourense).". DOG (Núm. 72): Páx. 5.144. 
17. Consellería de Medio Ambiente, Territorio e Vivenda. Xunta de Galicia, eds. "O Catálogo galego de árbores senlleiras: Listaxe de árbores e formacións senlleiras" (pdf). Consultado o 29/07/2020. 
18. R. Pontevedra, Silvia (22-01-2016). "Su raíz llega a las antípodas". El País (en castelán) (Santiago de Compostela). Consultado o 05-04-2021. 
19. Carro, Ana (13-04-2019). ""Es curioso que el árbol más antiguo de la ciudad sea de Nueva Zelanda"". La Opinión A Coruña (en castelán) (A Coruña). Consultado o 05-04-2021. 
20. ORDE do 3 de outubro de 2011 pola que se actualiza o Catálogo galego de árbores senlleiras
21. RESOLUCIÓN do 16 de setembro de 2015, da Dirección Xeral de Conservación da Natureza, pola que se fai pública a inclusión dun exemplar no Catálogo galego de árbores senlleiras
22. RESOLUCIÓN do 16 de maio de 2017, da Dirección Xeral de Patrimonio Natural, pola que se fai pública a inclusión de varios exemplares no Catálogo galego de árbores senlleiras
23. RESOLUCIÓN do 20 de novembro de 2017, da Dirección Xeral de Patrimonio Natural, pola que se fai pública a inclusión de dous exemplares e unha formación no Catálogo galego de árbores senlleiras, así como a descatalogación dunha árbore por morte biolóxica.
24. ORDE do 22 de novembro 2017 pola que se actualiza o Catálogo galego de árbores senlleiras
25. "Sequoia vermella do Campo da Estrela da Alameda". Arquivado dende o orixinal o 29 de abril de 2021. Consultado o 05 de abril de 2021. 
26. RESOLUCIÓN do 2 de agosto de 2018, da Dirección Xeral de Patrimonio Natural, pola que se fai pública a inclusión dun exemplar e unha formación no Catálogo galego de árbores senlleiras
27. RESOLUCIÓN do 22 de marzo de 2019, da Dirección Xeral de Patrimonio Natural, pola que se fai pública a inclusión dun exemplar no Catálogo galego de árbores senlleiras
28. RESOLUCIÓN do 29 de outubro de 2021, da Dirección Xeral de Patrimonio Natural, pola que se fai pública a inclusión de dúas árbores no Catálogo galego de árbores senlleiras.
29. RESOLUCIÓN do 17 de febreiro de 2022, da Dirección Xeral de Patrimonio Natural, pola que se fai pública a inclusión dunha árbore no Catálogo galego de árbores senlleiras.
30. RESOLUCIÓN do 19 de xullo de 2022, da Dirección Xeral de Patrimonio Natural, pola que se fai pública a inclusión dunha árbore no Catálogo galego de árbores senlleiras.
31. RESOLUCIÓN do 28 de novembro de 2022, da Dirección Xeral de Patrimonio Natural, pola que se fai pública a inclusión dunha árbore no Catálogo galego de árbores senlleiras.
32. RESOLUCIÓN do 4 de abril de 2023, da Dirección Xeral de Patrimonio Natural, pola que se fai pública a inclusión dunhas árbores no Catálogo galego de árbores senlleiras.
33. RESOLUCIÓN do 19 de abril de 2023, da Dirección Xeral de Patrimonio Natural, pola que se fai pública a inclusión de tres árbores e unha formación no Catálogo galego de árbores senlleiras
34. RESOLUCIÓN do 14 de novembro de 2023, da Dirección Xeral de Patrimonio Natural, pola que se fai pública a inclusión de dúas árbores e unha formación no Catálogo galego de árbores senlleiras.
35. RESOLUCIÓN do 29 de abril de 2024, da Dirección Xeral de Patrimonio Natural, pola que se fai pública a inclusión dunha árbore no Catálogo galego de árbores senlleiras.
36. RESOLUCIÓN do 28 de novembro de 2019, da Dirección Xeral de Patrimonio Natural, pola que se fai pública a inclusión dunha formación no Catálogo galego de árbores senlleiras.
37. RESOLUCIÓN do 23 de marzo de 2021, da Dirección Xeral de Patrimonio Natural, pola que se fai pública a inclusión dunha formación no Catálogo galego de árbores senlleiras.
38. RESOLUCIÓN do 28 de outubro de 2022, da Dirección Xeral de Patrimonio Natural, pola que se fai pública a inclusión dunha formación no Catálogo galego de árbores senlleiras, así como a descatalogación dunha árbore por morte biolóxica.
39. RESOLUCIÓN do 1 de marzo de 2024, da Dirección Xeral de Patrimonio Natural, pola que se fai pública a inclusión dunha formación no Catálogo galego de árbores senlleiras.
40. Motivo da descatalogación: perda dos valores que motivaron a súa inclusión.
41. Motivo da descatalogación: morte biolóxica.
42. Rocío García (15 de agosto de 2020). "Los restos de la Sobreira de Balboa esperan un uso simbólico en una finca de A Estrada". La Voz de Galicia. 

Véxase tamén

Outros artigos

• Vexetación de Galicia
• a aciñeira de Covas
• o teixo dos Tenreiro
• a sobreira de Santiorxo
• a carballa da Rocha
• o castiñeiro de Pumbariños
• a fraga de Catasós
• o souto de Rozavales
• o souto da Retorta
• o teixedal de Casaio

Ligazóns externas

• DECRETO 67/2007, do 22 de marzo, polo que se regula o Catálogo Galego de Árbores Senlleiras
• "Unha tese [de Gaspar Bernárdez, USC] propón a inclusión de 58 novos rexistros no Catálogo de Árbores Senlleiras". GCiencia. 07/07/2020.