Ángel Míguez González, nado en Tui e finado na Coruña o 18 de setembro de 1961,[1] foi un funcionario e xornalista galego.
Traxectoria
Fillo de Matilda Míguez González. Foi funcionario da Xefatura de Obras Públicas de Pontevedra. Foi redactor de La Libertad e formou parte da comisión organizadora do Partido Republicano Radical de Pontevedra,[2] foi redactor de El Diario de Pontevedra e colaborou en Progreso e La Libertad de Madrid.[3] Na Segunda República publicou algún artigo en El Socialista,[4] e foi director de La Idea. Pasou a residir na Coruña cando foi nomeado xefe de Negociado da Xefatura de Obras Públicas da Coruña.
Vida persoal
Casou en Pontevedra con Carmen Tapia Pazos en 1906,[5] e foi pai de Enrique, Matilde e Eduardo Míguez Tapia. A súa muller Carmen Tapia finou en 1923,[6] e Ángel volveu casar na Coruña con Concepción de la Iglesia Pardo o 3 de novembro de 1933.[7]
Notas
- ↑ La Voz de Galicia, 19-9-1961, p. 6.
- ↑ La Libertad, 9-11-1913, p. 1.
- ↑ "Las pouvanas", La Libertad, 19-9-1923, p. 2.
- ↑ "La República y el caciquismo", El Socialista, 5-6-1931, p. 2.
- ↑ El Diario de Pontevedra, 23-3-1906, p. 2.
- ↑ El Progreso, 8-4-1923, p. 3.
- ↑ La Voz de Galicia, 4-11-1933, p. 2.