-hou

Cairt a' sealltainn Bailiwick of Guernsey

'S e iar-leasach a tha gu math cumanta anns na h-Eileanan a' Chaolais agus ann an ainmean Normanach a tha ann an -hou. 'S e seo an dòigh-innse anns a' chànan Normanach mun fhacal Seann-Lochlannais: holmr, a tha a' ciallachadh “eilean beag”. Tha e ri fhaicinn anns an dòigh-sgrìobhaidh Beurla ann an àitichean diofraichte mar "holm". Tha e ann fhathast anns na cànain Lochlainnach an-diugh, m.e.: Stockholm.

Thàinig an “toponym” Normanach agus an dòigh bheagachadh hommet/houmet cuideachd bhon iar- leasach seo.

'S e îlot am facal co-ionnan a tha anns an Fhraingis, tha e ceangailte leis an fhacal Beurla islet.

Eileanan a' Chaolais

Bailiwick of Guernsey

• Ann an Guernsey
  • Lihou
  • Les Houmets a' gabhail a-steach - Houmet Benest/Benet, Houmet Paradis & Houmet Hommetol (Omptolle).
• Ann an Alderney
  • Burhou
• Ann an Herm
  • Jethou
  • Le Plat Houmet
• Ann an Sark
  • Brecqhou

Bailiwick of Jersey

• Les Écréhous

Normandy

• Tatihou
• Quettehou
• Néhou
• Tribehou

ann an Gàidhlig

Tha an iar-leasach ri fhaicinn ann an cuid de na-h-ainmean àitichean Gàidhlig cuideachd. Dh'atharraich am facal: "hólmr" gu "tolm" (giniteach: "tuilm" ^[1] m.e.:Duntuilm anns an Eilean Sgitheanach.

Iomradh

1. Alexander MacBain, Place Names of the Highlands and Islands of Scotland, Glasgow, 2003, ISBN 0902664093, duilleag 80

Leabhraichean

• Noms de lieux de Normandie, René Lepelley, 1999 Paris ISBN 2-86253-247-9