Ár Lá Cuimhneacháin (1987)

Ár Lá Cuimhneacháin

54° 20′ 40″ N, 7° 38′ 05″ O
Cineál	ionsaí buamála
Dáta na bliana	8 Samhain 1987
Suíomh	Inis Ceithleann, Northern Ireland
Rannpháirtí	Óglaigh Shealadacha na hÉireann
Líon básanna	12
Líon gortaithe	63

Ar an 8 Samhain 1987, maraíodh aon duine dhéag agus gortaíodh trí scór i mbuama Inis Ceithleann (Contae Fhear Manach), nó Ár Lá Cuimhneacháin, 1987.^[1][2] Bhásaigh duine eile a gortaíodh san ionsaí buamála sa bhliain 2000 tar éis dó trí bliana déag a chaitheamh i gcóma.

Cuimhneachán, Inis Ceithleann

Ar an gcéad Domhnach i mí na Samhna 1987, bhailigh daoine le chéile in Inis Ceithleann chun cuimhneamh orthu siúd a maraíodh i gcogaí san am a chuaigh thart.^[3][4]

Gordon Wilson^[5] agus a bhean chéile

Agus daoine ag bailiú le chéile ag leacht cuimhneacháin na gcogaí, phléasc buama agus caitheadh bruscarnach ar fud na háite.

Bhí Gordon Wilson agus a iníon, Marie, ábhar altra a bhí 20 bliana d’aois, clúdaithe cúpla troigh thíos faoin mbrablach. Feachtasóir ar son na síochána a bhí in Gordon Wilson níos déanaí.

Iarmhairtí

Níor cúisíodh ná níor ciontaíodh aon duine riamh faoin ionsaí buamála. “Botún” a bhí i gceist, is cosúil dúirt an IRA gur phléasc an buama roimh am.^[6]

Ag an am, mheas Máirtín Ó Muilleoir, Sinn Féin, go raibh sé tábhachtach an fód a sheasamh agus foréigean a úsáid. Ach i ndiaidh uafás Inis Ceithleann tháinig sé ar an tuiscint go mbeadh sé níb éifeachtaí cloí le modhanna polaitiúla agus na gunnaí a chur ar leataobh. Dúirt sé níos déanaí, “Inis Ceithleann an chéad cheann de na mór-uafáis a tharla a thug le fios domsa go raibh an streachailt armtha mícheart agus nach raibh sé ag dul a oibriú. Bhí ceist mhór mhorálta ann fosta mar go raibh daoine neamhurchóideacha ag fáil bháis.”^[7]

Nochtadh leacht in Inis Ceithleann ar an 8 Samhain 2017 i gcuimhne na ndaoine a maraíodh san ionsaí buamála ar an mbaile.^[8]

Féach freisin

• Gordon Wilson^[5]

Tagairtí

1. "Beo! - Máirtín Ó Muilleoir". web.archive.org (2018-08-27). Cartlannaíodh an bunleathanach ar 2018-08-27. Dáta rochtana: 2020-11-07.
2. Aodhagán Ó Raghallaigh. (1 Samhain 2007). "An tUltach 83 (11), lch20-21". Dáta rochtana: 2020.
3. Clare Richards at Eden. "Revolutionary Christians Who Live the Gospel". www.eden.co.uk. Dáta rochtana: 2020-11-07.
4. examinations.ie (SCRÚDÚ AN TEASTAIS SHÓISEARAIGH, 2012). "OIDEACHAS REILIGIÚNACH ― ARDLEIBHÉAL". Cartlannaíodh an bunleathanach ar 2001-05-21. Dáta rochtana: 2020.
5. "Gordon Wilson (peace campaigner)" (as en) (2020-09-02). Wikipedia. 
6. Denzil McDaniel (1997). "Enniskillen: The Remembrance Sunday Bombing" (as en). Wolfhound Press. 
7. Éamonn Ó Dónaill (Iúil 2001). "Máirtín Ó Muilleoir" (ga-IE). Beo!. Dáta rochtana: 2022-11-09.
8. Nuacht RtÉ (2017-11-08). "Leacht cuimhneachnáin nua nochta in Inis Ceithleann inniu" (as ga).