PROFILBARU.COM

Stephen King
	; (2024)
Beathaisnéis
Breith	(en) Stephen Edwin King ; 21 Meán Fómhair 1947 ; 77 bliana d'aois; Portland, Maine
Floruit	1971
Faisnéis phearsanta
Scoil a d'fhreastail sé/sí	Ollscoil Maine - Béarla (1966–1971); Hampden Academy (en) ; Ardscoil Lisbon (–1966); Lisbon Falls High School (en)
Áit chónaithe	Portland; Bangor; Fort Wayne; Stratford
Teanga dhúchais	Béarla
Gníomhaíocht
Gairm	léiritheoir teilifíse, stiúrthóir, múinteoir, úrscéalaí, scríbhneoir, iriseoir, colúnaí, scríbhneoir scripte, scríbhneoir ficsean eolaíochta, aisteoir, stiúrthóir scannán
Tréimhse oibre	1959 –
Fostóir	Hampden Academy (en) (1971–)
Ball de pháirtí polaitíochta	an Páirtí Daonlathach
Ball de	Rock Bottom Remainders ; Writers Guild of America, East (en)
Seánra	Litríocht uafáis, fantaisíocht, ficsean eolaíochta, drámaíocht, ficsean eipistileach, litríocht Ghotach, ficsean iar-apacailipteach, scéinséir agus ficsean bleachtaireachta
Faoi thionchar	Bram Stoker, Edgar Allan Poe, Shirley Jackson, H. P. Lovecraft, Richard Matheson, Ray Bradbury, John D. MacDonald, Don Robertson agus Burton Hatlen
Ainm cleite	Richard Bachman
Teangacha	Béarla
Saothar
	Saothar suntasach (1970) The Dark Tower (en) ../... 36+ ;
Teaghlach
Céile	Tabitha King (1971–)
Páiste	Joe Hill, Owen King, Naomi King
Athair	Donald Edwin King agus Nellie Pillsbury
Croineolaíocht
19 Meitheamh 1999	timpiste gluaisteáin (Maine State Route 5 (en) , Lovell (en) )
	Gradam a fuarthas (2019) Goodreads Choice Awards (en) , as a saothar The Institute; (2016) Gradam Edgar, as a saothar Obits (en) ; (2015) Shirley Jackson Award for Single-Author Collection (en) , as a saothar The Bazaar of Bad Dreams (en) ; (2015) Gradam Edgar, as a saothar Mr. Mercedes; (2014) Bonn Náisiúnta na nEalaíon; (2014) Hammett Prize (en) , as a saothar Mr. Mercedes; (2011) Bram Stoker Awards (en) , as a saothar Herman Wouk is Still Alive (en) ; (2009) Shirley Jackson Award (en) ; (2008) Bram Stoker Award for Novel (en) , as a saothar Duma Key; (2007) Gradam Edgar; (2006) Bram Stoker Award for Novel (en) , as a saothar Lisey's Story; (2003) National Book Award, as a saothar Stephen King bibliography (en) ; (2003) Bram Stoker Awards (en) , as a saothar The Dark Tower V: Wolves of the Calla; (2002) Grand Prix de l'Imaginaire; (2000) Bram Stoker Awards (en) , as a saothar Riding the Bullet (en) ; (2000) Bram Stoker Award for Best Non-Fiction (en) , as a saothar On Writing (en) ; (1999) Locus Award for Best Horror Novel (en) , as a saothar Bag of Bones; (1997) Grand Prix de l'Imaginaire, as a saothar Danse Macabre; (1997) Locus Award for Best Horror Novel (en) , as a saothar Desperation; (1996) Gradam O. Henry; (1996) Bram Stoker Award for Novel (en) , as a saothar The Green Mile; (1992) World Horror Convention Grand Master Award (en) ; (1982) Hugo Award for Best Related Work (en) , as a saothar Danse Macabre; (1980) World Fantasy Convention Award (en) ;
	Ainmnithe do (2023) Locus Award for Best Horror Novel (en) , as a saothar Gwendy's Final Task; (2022) Locus Award for Best Horror Novel (en) , as a saothar Billy Summers; (2022) Locus Award for Best Horror Novel (en) , as a saothar Later; (2020) Locus Award for Best Horror Novel (en) , as a saothar The Institute; (2019) Locus Award for Best Horror Novel (en) , as a saothar The Outsider (en) ; (2016) Locus Award for Best Novelette (en) , as a saothar Obits (en) ; (2016) Hugo Award for Best Novelette (en) , as a saothar Obits (en) ; (2016) Locus Award for Best Fantasy Novel (en) , as a saothar Finders Keepers (en) ; (2015) Locus Award for Best Fantasy Novel (en) , as a saothar Revival; (2014) Locus Award for Best Fantasy Novel (en) , as a saothar Doctor Sleep; (2014) Locus Award for Best Fantasy Novel (en) , as a saothar Joyland; (2012) Locus Award for Best Science Fiction Novel (en) , as a saothar 11/22/63; (2012) Locus Award for Best Novelette (en) , as a saothar The Little Green God of Agony (en) ; (2010) Locus Award for Best Science Fiction Novel (en) , as a saothar Under the Dome; (2007) Locus Award for Best Fantasy Novel (en) , as a saothar Lisey's Story; (2005) Locus Award for Best Fantasy Novel (en) , as a saothar The Dark Tower VI: Song of Susannah; (2004) Locus Award for Best Fantasy Novel (en) , as a saothar The Dark Tower V: Wolves of the Calla; (2002) Locus Award for Best Fantasy Novel (en) , as a saothar Black House; (2000) Nebula Award for Best Script (en) , as a saothar The Green Mile; (1998) Locus Award for Best Novella (en) , as a saothar Everything's Eventual (en) ; (1998) Locus Award for Best Fantasy Novel (en) , as a saothar The Dark Tower IV: Wizard and Glass; (1997) Primetime Emmy Award for Outstanding Limited Miniseries (en) , as a saothar The Shining (en) ; (1997) Locus Award for Best Horror Novel (en) , as a saothar The Green Mile; (1996) Locus Award for Best Horror Novel (en) , as a saothar Rose Madder; (1996) Locus Award for Best Novelette (en) , as a saothar Lunch at the Gotham Café (en) ; (1995) Locus Award for Best Horror Novel (en) , as a saothar Insomnia; (1994) Locus Award for Best Novella (en) , as a saothar The Ten O'Clock People (en) ; (1993) Locus Award for Best Horror Novel (en) , as a saothar Dolores Claiborne; (1992) Locus Award for Best Horror Novel (en) , as a saothar Needful Things; (1992) Locus Award for Best Horror Novel (en) , as a saothar The Dark Tower III: The Waste Lands; (1991) Locus Award for Best Horror Novel (en) , as a saothar The Stand; (1990) Locus Award for Best Horror Novel (en) , as a saothar The Dark Half; (1988) Locus Award for Best Fantasy Novel (en) , as a saothar The Dark Tower II: The Drawing of the Three; (1988) Locus Award for Best Science Fiction Novel (en) , as a saothar The Tommyknockers; (1987) Golden Raspberry Award for Worst Director (en) , as a saothar Maximum Overdrive; (1987) Locus Award for Best Fantasy Novel (en) , as a saothar It; (1985) Locus Award for Best Fantasy Novel (en) , as a saothar The Talisman; (1985) Locus Award for Best Novella (en) , as a saothar The Ballad of the Flexible Bullet (en) ; (1984) Locus Award for Best Fantasy Novel (en) , as a saothar Pet Sematary; (1984) Locus Award for Best Fantasy Novel (en) , as a saothar Christine; (1983) Locus Award for Best Novelette (en) , as a saothar The Raft (en) ; (1983) Locus Award for Best Novella (en) , as a saothar The Breathing Method (en) ; (1982) Locus Award for Best Fantasy Novel (en) , as a saothar Cujo; (1981) Locus Award for Best Science Fiction Novel (en) , as a saothar Firestarter; (1981) Locus Award for Best Novelette (en) , as a saothar The Way Station; (1981) Locus Award for Best Fantasy Novel (en) , as a saothar The Mist (en) ; (1980) Locus Award for Best Fantasy Novel (en) , as a saothar The Dead Zone; (1979) Locus Award for Best Novelette (en) , as a saothar The Gunslinger (en) ; (1979) Locus Award for Best Novel (en) , as a saothar The Stand; (1978) Locus Award for Best Fantasy Novel (en) , as a saothar The Shining;
	Síniú
Suíomh gréasáin	stephenking.com

Is scríbhneoir Meiriceánach é Stephen Edwin King (a rugadh ar an 21 Meán Fómhair 1947). Ba iad a chuid úrscéalta uafáis ba mhó a thabhaigh a chlú dó, agus ráchairt ar a shaothar ar fud an domhain. Chuaigh cuid mhaith acu ar an scáileán freisin.

D'fhoilsigh King leathchéad d'úrscéalta, agus tháinig cuid acu i gcló an chéad uair faoin ainm cleite Richard Bachman, chomh maith le cúig leabhar neamhfhicsin.

Scríobh sé beagnach dhá chéad gearrscéal, agus an chuid is mó acu conlaithe i naoi ndíolaim gearrfhicsin. Cuid mhór dá chuid scéalta tá a n-imeachtaí suite i stát Maine, arb as dó ó dhúchas.

Luathshaol

Rugadh athair Stephen, Donald Edwin King, timpeall na bliana 1913 i bPeru, Indiana, agus mairnéalach a bhí ann. I Scarborough, Maine, a tháinig máthair an bhuachalla chun saoil, agus is é an t-ainm a bhí uirthi ná Nellie Ruth Pillsbury. Saolaíodh ar an 13 Márta 1913 í, agus d'éag sí ar an 28 Mí na Nollag 1973. Pósadh an lánúin ar an 23 Iúil i gcontae Cumberland, Maine.

Rugadh an mac, Stephen Edwin King, ar an 21 Meán Fómhair i bPortland, Maine. Ní raibh sé ach dhá bhliain d'aois, nuair a thréig a athair an teaghlach. Dúirt sé go raibh sé "ag dul ag ceannach toitíní", agus chuaigh ceal ann ansin, nó níor fhill sé choíche. B'éigean dá mháthair eisean agus a dheartháir David, arbh uchtleanbh é, a thabhairt suas ina haonar, agus ba mhinic a bhíodh sí beo bocht ar fad. D'aistrigh an teaghlach go De Pere, Wisconsin; ina dhiaidh sin, go Fort Wayne, Indiana; agus ina dhiaidh sin, arís, go Stratford, Connecticut. Nuair a bhí Stephen King aon bhliain déag d'aois, d'fhill an teaghlach go Durham i stát Maine, áit ar shocraigh Ruth King síos le haire a thabhairt dá tuismitheoirí féin, go dtí go bhfuair siad bás. Ina dhiaidh sin, thosaigh sí ag obair i dteach téarnaimh áitiúil do dhaoine lagintinneacha.

Tógadh Stephen King leis an gcreideamh Modhach (Meitidisteach).

D'fhreastail King ar bhunscoil Durham, agus ansin bhain sé amach a ardteastas ó Ardscoil Lisbon Falls i Lisbon Falls, Maine. Bhí spéis aige sa litríocht scanraitheach go luath ina shaol, agus dúil nimhe aige i gcoimicí sceimhle EC, ar nós Tales from the Crypt. Ní ba déanaí scríobh sé script don scannán úd Creepshow ag insint scéalta i stíl na ngreannán sin. Thosaigh sé ag scríobh nuair nach raibh ann ach dalta scoile, agus é ag cumadh scéalta le haghaidh na hirise miméagrafáilte a bhí a dheartháir Dave a fhoilsiú, Dave's Rag. Ní ba mhó, dhíoladh sé lena chuid cairde scéalta uafáis a bhí bunaithe ar na scannáin a chonaic sé, ach nuair a fuair na múinteoirí amach faoin ngnó seo, b'éigean dó an t-airgead a thabhairt ar ais. An chéad scéal leis a chuaigh i gcló i gceart, is é an teideal a bhí air ná I was a Teenage Grave Robber, a foilsíodh ina sraith trí eipeasóid ar an iris amaitéarach úd Comics Review, ach fágadh an tríú cuid den scéal gan fhoilsiú, chomh maith leis an eagrán sin den iris féin. Foilsíodh leagan leasaithe den scéal faoin teideal In a Half-World of Terror an bhliain dár gcionn ar an iris Stories of Suspense, arbh é Marv Wolfman a eagarthóir.

Sa bhliain 1966 thosaigh King ag staidéar Béarla in Ollscoil Maine, agus sa bhliain 1970 bhain sé amach céim an Bhaitsiléara Ealaíon sa Bhéarla. Saolaíodh an chéad iníon, Naomi Rachel, dó sa bhliain chéanna. Scríobhadh sé colún do nuachtán na mac léinn, The Maine Campus, faoin teideal Steve King's Garbage Truck. Bhí sé páirteach i gceardlann scríbhneoireachta a bhí á reáchtáil ag an Ollamh Burton Hatlen, agus ní ba deireanaí dúirt sé "gurbh é Burt an múinteoir Béarla ab fhearr dá raibh agam riamh".

Spreagadh

Tá an chuma ar an scéal go bhfaca King, agus é ina pháiste, an dóigh ar bhuail traein cara leis, ionas gur fáisceadh an t-anam as. Deir sé féin áfach nach cuimhin leis a dhath. D'inis a mhuintir dó gur imigh King leis an mbuachaill eile le bheith ag súgradh, ach nuair a d'fhill sé, bhí sé ina aonar, agus ba léir go bhfuair sé turraing de chineál éigin, ó nach raibh caint ar bith fágtha aige. Ní bhfuair an teaghlach amach faoi bhás a chara ach tamall maith i ndiaidh na n-imeachtaí. Tá tráchtairí áirithe den tuairim gur spreag an timpiste seo King chun a chuid saothar duairc a scríobh. Ach ní luann King féin an taisme ar aon nós ina chuid cuimhní cinn, On Writing.

D'inis King sa leabhar neamhfhicsin Danse Macabre sa bhliain 1981, conas a fuair sé an chéad inspioráid le scéalta uafáis a chumadh. Sa chaibidil faoin teideal An Annoying Autobiographical Pause, tugann King cur síos ar an dóigh ar éirigh lena uncail teacht ar uisce agus é ag collóireacht le craobh chrainn úll, agus é á chur i gcomparáid leis an dóigh ar tháinig sé féin ar ghairm a bheatha. Bhí seisean agus a dheartháir díreach ag siortáil seomra dín, nuair a fuair King radharc ar dhíolaim ghearrscéalta le H. P. Lovecraft, The Lurker in the Shadows. Leabhar faoi chlúdach bhog a bhí ann, agus ba lena athair é tráth. Chuaigh pictiúr an chlúdaigh i bhfeidhm ar Stephen ar bhealach ar leith, agus dúirt sé gurbh ansin a tuigeadh dó cén cineál scéalta a bhí sé ag dul a scríobh.

Scríbhneoireacht

Dar le Stephen King féin, is é an cnuasach ocht leabhar faoi The Dark Tower a magnum opus. Leabhair iad a dhéanann gnéithe de sheánraí na mbuachaillí bó, na fantaisíochta agus an ficsean eolaíochta a chniotáil le chéile. Ní haon iontas gur thóg sé breis agus deich mbliana fís an Rí a thabhairt chuig an scáileán mór.^[1]

Duaiseanna

Bronnadh a lán duaiseanna ar King as a chuid saothar: Duais Bram Stoker, Duais World Fantasy, Duais Chumann Fantaisíochta na Breataine Móire, mar shampla.

Bhí a nóibhille The Way Station ar an ngearrliosta do Dhuais Mionúrscéalaíochta Nebula (is iad Duaiseanna Nebula na duaiseanna a bhronntar ar rogha na saothar fantaisíochta nó ficsin eolaíochta go bliantúil sna Stáit Aontaithe, agus is é Cumann Scríbhneoirí Ficsin Eolaíochta agus Fantaisíochta Mheiriceá a bhronnann iad).

Thuill a ghearrscéal The Man in the Black Suit Duais Cuimhneacháin O. Henry dó. Sa bhliain 2003, fuair sé bonn Fhondúireacht Leabhair Mheiriceá (American Book Foundation) as an "obair dhearscnaitheach a rinne sé ar mhaithe le litríocht Mheiriceá" (Distinguished Contribution to American Letters).

Bronnadh duaiseanna eile air fós as saothar a shaoil go léir, ar nós "Duais Dhomhanda na Fantaisíochta as Éacht a Shaoil" (World Fantasy Award for Life Achievement) sa bhliain 2004, "Duais Éacht a Shaoil" (Lifetime Achievement Award) ó Chumann Díoltóirí Leabhar Cheanada (Canadian Booksellers Association) sa bhliain 2007, agus "Duais an Ard-Mháistir" (Grand Master Award) ó Scríbhneoirí Bleachtaireachta Mheiriceá (Mystery Writers of America).