Cumadóir is ea Shaun Davey (a rugadh ar 18 Eanáir 1948). Tógann sé a théamaí ó stair agus ó chultúr na hÉireann. Meascann sé ceol traidisiúnta agus ceol clasaiceach in a chuid saothar.[1][2]
Beatha
Rugadh Shaun Davey i mBéal Feirste sa bhliain 1948.
Tá Davey pósta le Rita Connolly, amhránaí aitheanta.[3]
Saothar
The Brendan Voyage, nó 'Iomramh Bhréanainn'
Chum Davey The Brendan Voyage, turas farraige, sa bhliain 1980. Is saothar ceolfhoirne agus píobaire é seo, an chéad uair ar scríobhadh sraith iomlán 40 nóiméad do phíb agus ceolfhoireann..[4][5] Sheinn Liam Ó Floinn an phíb in 1980. Seasann an phíb don churach faoi lán seoil go Talamh an Éisc. Tá 10 ngluaiseacht (aonad) sa saothar a léiríonn an t-aistear mara.[1]
Granuaile
Chum sé Granuaile sa bhliain 1985. Léiríonn sé saol Ghráinne Ní Mháille, banríon na mara i gConnacht. Is saothar don phíb uilleann, giotár, cruit Ghaelach, guth aonréadach agus ceolfhoireann é seo.[1]
Nora Barnacle
Sa bhliain 2015, chum Davey na hamhráin do ' Nora Barnacle' i dteannta le Nuala Ní Dhomhnaill, file, agus Rita Connolly, fonnadóir, chun saol suaithinseach Barnacle agus Joyce a insint.[6]
The Relief of Derry Symphony
Léiríodh “The Relief of Derry Symphony” le Shaun Davey ar ardán den chéad uair i 1990 i nDoire Cholmcille le linn chomóradh 300 bliain Léigear Dhoire.[7][8]
Saothair eile
Chuir Davey suim thar na bearta i gcultúr na Gaeltachta. Chum sé ceol álainn don gcnuasach dánta le Caoimhín Ó Cinnéide, ar a raibh an seod ‘Bláthanna Bealtaine’.
I measc na saothar eile a chum sé, tá The Pilgrim agus ceol don amharclann.
Chum sé an téama na sraithe BBC Ballykissangel.
Féach freisin
Tagairtí
