Cathair i stát Nua-Eabhrac is ea Poughkeepsie. Príomhbhaile Contae Dutchess, Nua-Eabhrac atá ann. Tá 31,577 duine ina gcónaí sa chathair de réir dhaonáireamh na bliana 2020. Tá Poughkeepsie suite ar bhruach thoir abhainn an Hudson, leath bhealaigh idir Cathair Nua-Eabhrac agus Albany, príomhchathair stát Nua-Eabhrac. Tá roinnt tithe móra stairiúla, coláistí tríú leibhéil, agus gnólachtaí móra sa cheantar máguaird. Tá campais ag IBM agus Coláiste Vassar i mbaile Poughkeepsie, lámh le cathair Poughkeepsie. Cé gur aonaid neamhspleácha ar a chéile iad an baile agus an chathair, glactar leo an chuid is mó den am mar aon bhaile mór amháin. Tá isteach is amach le 74,000 duine sa bhaile agus sa chathair in éindí.
 | Is síol faoi thíreolaíocht Mheiriceá é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
