Is iar-phríomhfheidhmeannach Pháirtí Náisiúnta na hAlban (PNA) é Peter Tierney Murrell (rugadh 1964). Tá sé pósta le Nicola Sturgeon, iar-cheannaire an PNA agus Iar-Chéad-Aire na hAlban (Gaeilge na hAlban: Prìomh-mhinistearan na h-Alba).
Gairmréim
Sula ndeachaigh sé isteach sa pholaitíocht, bhí Peter Murrell ar feadh tréimhse ina Oifigeach caidrimh phoiblí d’Eaglais na hAlban (Gaeilge na hAlban:Eaglais na h-Alba)[1] . Sa bhliain 1989 toghadh Murrell mar Thionólaí Ballraíochta ag craobh Cheann Phàdraig den PNA.[2] I dtoghcháin áitiúla na Bealtaine 1992 do Chomhairle Cheantair Bhanbh is Bùchainn, bhí Murrell ina ghníomhaire toghcháin d'iarrthóirí sna bardaí Longside/ Raitear, agus Buchanhaven/Catto.[3] I Meitheamh 1993 athcheapadh Murrell ina rúnaí ar bhrainse Banff agus Buchan de Chomhairle Saoránach.[4] Faoi Bhealtaine 1994, bhí Murrell ina chúntóir taighde do cheannaire an pháirtí Alex Salmond.[5] I mí Feabhra 1995, bhí Murrell ag obair mar Chúntóir Parlaiminte don Dr Allan Macartney FPE atá lonnaithe in Obar Dheathain.[6] Dúirt an Evening Express go raibh sé “previously responsible for MP Alex Salmond's Banff Buchan office”. I mí na Nollag 1996, ba é ról tuairiscithe Murrell ná “constituency researcher”.[7]
Bhí Murrell ina phríomhfheidhmeannach ar an PNA idir 1999-2023. D'éirigh sé as a phost nuair a d'éirigh a bhean as ceannaireacht an Pháirtí.[8]
Conspóid
Sa bhliain 2023, bhí Murrell gafa i bhfiosrúchán faoi mhaoiniú an pháirtí. Bhí na póilíní ag fiosrú an méid a tharla de £600,000 a bhailigh lucht feachtais i 2017 ar son neamhspleáchas na hAlban, airgead a bhí ceaptha a bheith curtha go leataobh go sonrach ar mhaithe leis an bhfeachtas sin, ach nach raibh aon trácht air i gcuntais an pháirtí.[8]
Féach freisin
Tagairtí
 | Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
