Lá Idirnáisiúnta um Dhíothú na Bochtaineachta (17 Deireadh Fómhair)

Lá Idirnáisiúnta um Dhíothú na Bochtaineachta

Cineál	lá idirnáisiúnta
Ainmnithe in ómós	bochtaineacht
Comóireann sé	bochtaineacht
Bailíocht	25 Nollaig 1992 -
Lá	17 Deireadh Fómhair
Tréimhse	1987 -
Bunaitheoir(í)	Joseph Wresinski agus na Náisiúin Aontaithe
Eagraí	na Náisiúin Aontaithe
Suíomh gréasáin	un.org…

Leacht de chuid Joseph Wresinski i bPort Louis (Morbihan)

An bochtanas ː % daonra agus $2/lá nó níos lú acu

Ón mbliain 1992 i leith, tá an 17 Deireadh Fómhair ceaptha ag na Náisiúin Aontaithe mar an Lá Idirnáisiúnta um Dhíothú na Bochtaineachta (International Day for Eradication of Poverty), nó an Lá Idirnáisiúnta chun an Fhíorbhochtaineacht a Dhíothú.^[1] Is é an aidhm atá ann deireadh a chur leis an mbochtaineacht, nó éalú ó chuing na bochtaineachta. Ba mhaith leis na Náisiúin Aontaithe an fhís sin a fhíorú ar deireadh thiar. Is Lá é chomh maith chun aitheantas a thabhairt d’iarrachtaí agus do streachailt na ndaoine atá beo bocht agus chun deis a thabhairt dóibh a n-ábhair bhuartha a chur chun tosaigh.^[2]

Leacht i Libourne (An Fhrainc)

Stair

Bhuna an tAthair Joseph Wresinski an ghluaisecht International Movement ATD Fourth World sa bhliain 1957. Chuir sé tús leis an Lá Idirnáisiúnta um Dhíothú na Bochtaineachta ar 17 Deireadh Fómhair 1987. Ar an lá sin, nocht sé plaic i gCearnóg Trocadero, Páras, leis an inscríbhinn, "Wherever men and women are condemned to live in extreme poverty, human rights are violated. To come together to ensure that these rights be respected is our solemn duty." Agus ón mbliain 1992 i leith, tá an 17 Deireadh Fómhair ceaptha ag na Náisiúin Aontaithe mar fhéile.

an tAthair Joseph Wresinski

Bhí os cionn billiún duine faoi réir ag fíorbhochtaineacht sa bhliain 2011, thart ar 14.5 faoin gcéad de dhaonra an domhain.^[3]

In Éirinn

Tá méid teoranta cistithe ar fáil ón Roinn Coimirce Sóisialaí gach bliain, chun tacú le grúpaí frithbhochtaineachta a deagródh gníomhaíochtaí áitiúla, réigiúnacha nó náisiúnta chun feasacht a chothú ar Lá Idirnáisiúnta na Náisiún Aontaithe maidir le Díothú na Bochtaineachta.^[4] Eagraíochtaí frithbhochtaineachta agus grúpaí a thacaíonn ar leibhéal náisiúnta nó áitiúil le daoine atá buailte leis an mbochtaineacht, is dóibhsean an cistiú seo.

Féach freisin

• Bochtanas
• Cúnamh Éireann (Irish Aid)
• Lá Domhanda na mBocht (bhunaigh an Pápa Proinsias Lá Domhanda na mBocht sa bhliain 2016)

Tagairtí

1. "Lá Idirnáisiúnta na Náisiún Aontaithe um Dhíothú na Bochtaineachta". web.archive.org (2019-10-20). Cartlannaíodh an bunleathanach ar 2019-10-20. Dáta rochtana: 2021-10-17.
2. Office of the President of Ireland. "Diary President Marks Un Day For The Eradication Of Extreme Poverty" (ga). president.ie. Dáta rochtana: 2021-10-17.
3. "Lá idirnáisiúnta do Dhíothú na Bochtaineachta - Department of Foreign Affairs". www.irishaid.ie. Dáta rochtana: 2021-10-17.
4. An Roinn Comimirce Sóisialaí gov.ie (2021). "United Nations - International Day for the Eradication of Poverty". Dáta rochtana: 2021.