Ollamh agus Ceiltíoch Gearmánach ba ea Heinrich Friedrich Zimmer (11 Nollaig 1851 – 29 Iúil 1910).
Rugadh é i dteaghlach feirmeoireachta in Kastellaun, Rheinland-Pfalz in iarthar na Gearmáine. Rinne sé staidéar ar theangacha ársa in Ollscoil Kaiser Wilhelm in Strasbourg, agus ina dhiaidh sin, ar an Ind-Eolaíocht agus an tSanscrait faoi stiúir Rudolf von Roth in Ollscoil Tübingen. Sa bhliain 1878, fuair sé post mar léachtóir in Ollscoil Friedrich Wilhelm i mBeirlín, áit a ndearna Ferdinand de Saussure staidéar in éineacht leis; in 1881 rinneadh Ollamh le Sanscrait agus Teangeolaíocht Chomparáideach de in Ollscoil Greifswald. In 1901, ceapadh é mar an chéad Ollamh le Ceiltis in Ollscoil Friedrich Wilhelm, an chéad phost dá leithéid in aon ollscoil sa Ghearmáin; ba é Rudolf Thurneysen an mac léinn ba chlúití dá chuid ann. (Tháinig Kuno Meyer i gcomharbas air tar éis bhás Zimmer in 1910.) In 1902 toghadh é ina bhall d'Acadamh Eolaíochtaí na Prúise, agus in 1906 ina bhall comhfhreagrach d'Acadamh Eolaíochtaí agus Daonnachtaí na Baváire. In 1910, agus é ag fulaingt ó ghalar doleigheasta, bháigh sé é féin.
Saothar
- Die nominalsuffixe a and â in den germanischen Sprachen (Strassburg: K. J. Trübner, 1876)
- Keltische Studien (Beirlín: Weidmann, 1881)
- Ueber die Bedeutung des irischen Elements für die mittelalterliche Kultur (Preussische Jahrbücher, 1887)
- Nennius Vindicatus
|
|---|
| Idirnáisiúnta | |
|---|
| Náisiúnta | |
|---|
| Daoine | |
|---|
| Eile | |
|---|
