PROFILBARU.COM

	Tjitske Reidinga
	akteur
	Tjitske Reidinga (2012)
	persoanlike bysûnderheden
echte namme	Tjitske Jacoba Reidinga
nasjonaliteit
berne	20 febrewaris 1972
berteplak	Ljouwert
jierren aktyf	1996-no
prizen	Colombina foar de bêste froulike byrol
	offisjele webside
	(in) IMDb-profyl Reidinga

Tjitske Reidinga (Ljouwert, 20 febrewaris 1972) is in Nederlânsk aktrise dy't ûnder oaren bekend is fan rollen yn Het Klokhuis. Yn 2002 wûn se de Colombina foar de bêste froulike byrol yn Who's Afraid of Virginia Woolf? foar har rol fan de popperige Honey. Yn it teäterseizoen 2006-2007 en 2007-2008 spile hja Toos yn De familie Avenier.

Biografy

Reidinga waard berne yn Ljouwert, mar waard grutbrocht yn Malawy. Sy studearre yn 1997 ôf oan de Amsterdamske Toanielskoalle & Lytskeunstakademy en gie it teäter yn. Yn it programma Het Klokhuis spile sy ûnder oaren as prinseske Petronella en dochter knyn. Dêrnei spile se mei yn de ferfilming fan Ja zuster, nee zuster as Jet. Dan wie hja ek noch warber by teäterproduksjs fan organisaaasjes sa as Suburbia, de Toneelschuur, it RO Theater en it Onafhankelijk Toneel. De ôfrûne fjouwer telefyzjeseizoenen waard Reidinga by it grutte publyk bekend fan har rol as de kâlde Claire van Kampen yn de telefyzjerige (RTL) Gooische Vrouwen. Se spile in rol yn de teäterproduksje 'De god van de slachting' fan Yasmina Reza, makke troch Theatergroep Suburbia yn Almere. Ek wie hja te sjen 'De ingebeelde zieke', fan teatergroep DUS. Reidinga krige de Johan Kaartpriis foar it seizoen 2008/2009. Fan jannewaris ôf 2010 hat se in rol spile yn Truckstop fan Het Toneel Speelt.

Op 16 maaie 2011 krige Reidinga de Mary Dresselhuys Priis: Met haar weldoordachte rolopbouw, trefzekere timing, haar geheel eigen, droge humor en de haar typerende, wat slepende stem weet Tjitske van elke rol een klein monumentje te maken miende de sjury. Altijd slaagt zij erin diepere lagen van haar personage te verbinden met een lichte toets.

Fan 2019 ôf is Reidinga geregeldwei gast yn it tf-programma Ladies Night op NET 5. Ek waard bekend dat sy tegearre mei har freondinne Linda de Mol wurket oan in nije searje foar de stjoerder. Dêrneist flogde sy yn 2020 foar it platfoarm LINDA. Yn de flogs lit se sjen hoe't sy en har húshâlding omgean mei de maatregels rûnom it koroanafirus.

Fan april 2023 ôf hat Tjitske Reidinga in eigen podcast mei de titel Tjits Chat wêryn 't se har deistich libben bekommentariearret.

Privee

Reidinga wie sechstjin jier troud mei akteur Vincent Croiset. Sy krigen in twilling, Foppe en Klaas en letter noch in soan. Yn maart 2014 waard bekend dat sy in ferhâlding begûn wie mei kollega Peter Blok. Sy krigen kunde oan elkoar by de filmopnamen fan De verbouwing.^[1]

Filmografy

De zeemeerman (1996) as Emily
Ja zuster, nee zuster (2002) as Jet
Kees de jongen (2003) as Juffrouw Dubois
De Passievrucht (2003) as Anke Neerinckx
Ellis in Glamourland (2004) as Roosje
'n Beetje Verliefd (2006) as Aafke
Taartman (2009) as Bregtje
Gooische Vrouwen (2011) as Claire van Kampen
De verbouwing (2012) as Tessa
Alles is familie (2012) as Linda
Pim & Pom: Het Grote Avontuur (2014) as Pom (stim)
Gooische Vrouwen 2 (2014) as Claire van Kampen
Sneeuwwitje en de zeven kleine mensen (2015) as freondinne fan Alexia
De zevende hemel (2016) as Silke
Doris (2018) as Doris Dorenbos
Het irritante eiland (2019) as Lidia
April, May en June (2019) as June
The Willoughbys (2020) as mem (stim)

Telefyzjerige

Plaatjes Kijken (1985) yn Dank u Sinterklaasje!
Baantjer: De Cock en de XTC-moord (1998) as Puck Geldermans
Goede daden bij daglicht: Zwerfvuil (1998) as Sylvia
Televisie, rige (2000) as backstage assistinte
De vloer op (2002-2003) as/yn ferskate parten
De Band (tf-rige) (2003) as Belinda
FIT (2004) as Major
Ibbeltje (tf-rige)| (2004) as Mientje
Gooische Vrouwen (2005-2009) as Claire van Kampen
Keyzer & De Boer Advocaten (2005) as Linda van Drunen (Waar rook is, is vuur)
Verborgen Gebreken (dramasearje) (2011) as Annabet Schuit
Hart tegen Hard (2011) as Rebecca Franssen
Volgens Robert (2013) as psychiater Lea
Doris (2013) as Doris Dorenbos
Nieuw zeer (2020) ferskate rollen
De K van Karlijn (2021) as Karlijn

Teäter

De ziekte die jeugd heet (1997; RO Theater)
Sterrenstof (toanielstik) (1998; Spuitheater)
Trainspotting (toanielstik) (1998; ZAP Producties)
Een stukje time out (1999; Fact)
Het vissenkind (1999; Het Paleis)
A Midsummer Night's Dream (1999; RO Theater)
Ja zuster, nee zuster (1999-2000; RO Theater) as Jet
Hollandse Revue (2000; Toneelschuur)
De Trojaanse (2001; Onafhankelijk Toneel)
Who's Afraid of Virginia Woolf? (2001-2002, Hummelinck Stuurman) as Honey
Hedda Gabler (toanielstik) (2002-2003; Trust) as Hedda Gabler
Da Vinci en de drol (2003; Toneelschuur Haarlem)
Treinen kunnen keren (2003-2004; Hummelinck Stuurman)
Amadeus (toanielstuk) (2005; 't Bos Theaterproducties)
Uit liefde (2005; Hummelinck Stuurman)
De Geschiedenis van de Familie Avenier (2007-2008; Het Toneel Speelt) as Toos
De ingebeelde zieke (2009; De Utrechtse Spelen (DUS)) as Bélin
De god van de slachting (2009; Suburbia) as Annette Reille
Truckstop (2010; Het Toneel Speelt) as Mem
Alice in Wonderland (2010; Orkater y.g.m. Holland Symfonia) as Alice
Augustus: Oklahoma (2011; De Utrechtse Spelen (DUS)) as Ivy Weston
Het geheugen van water (2012; DeLaMar Theater) as Marie
Een ideale vrouw (2013; DeLaMar Theater) as Constance Middleton
De tijd voorbij (2013; DeLaMar Theater) as Betty
Bedscènes (2014; DeLaMar Theater) as Johanna
Terug naar toen (2015; DeLaMar Theater) as Rosalie van Rooij
Sophie, een leven in 12 scènes (2015/2018; DeLaMar Theater) as Sophie
In de ban van Broadway (2016; DeLaMar Theater) as Grace
Palm Springs (2016; DeLaMar Theater) as Brooke Wyeth
Geen paniek! (2017; DeLaMar Theater) as Kitty van Veen
Single Camping (2019; Nederlânske Teätertoer) as Franscesca
Dangerous Liaisons (2020; Nederlânske Teätertoer) as La Marquise de Merteuil